NASA ka transmetuar rastësisht simulimin e krizës në Stacionin Ndërkombëtar Hapësinor, ISS, pasi astronuati sëmuret nga dekompresioni, që shkaktoi spekulime të shumëta në rrjetet sociale.
Kanali YouTube i NASA-s ka transmetuar Live audion i cili po tregonte se anëtari i ekuipazhit vuan nga dekompresioni, ka bërë të ditur NASA duke ju referuar profilit zyrtar të International Space Station, ISS në rrjetin social X.
Në inçizim dëgjohet një zë femre që nga anëtarët e ekuipazhit kërkon “ta kthejnë komandantin në uniformë”, ti verifikojnë pulsin dhe ta furnizojnë me oksigjen. Më vonë thotë se komandanti ka shumë pak shanse që të mbijetoj.
“Në ISS nuk ka situatë të jashtëzakonshme”
Në rrjetet sociale, ndjekësit pas kësaj që dëgjuan, përhapën lajmin se në ISS ka krizë.
“Ky zë gabimisht pa qëllim është drejtuar nga simulimi që po vijon, ku anëtarët e ekuipazhit dhe ekipet në tokë trajnohen për skenare të ndryshme në hapësirë. Nuk ka lidhje me rastin urgjent real,” ka bërë të ditur ISS duke shtuar se në Stacionin Ndërkombëtar Hapësinor nuk ka situatë të jashtëzakonshme.
There is no emergency situation going on aboard the International Space Station. At approximately 5:28 p.m. CDT, audio was aired on the NASA livestream from a simulation audio channel on the ground indicating a crew member was experiencing effects related to decompression…
— International Space Station (@Space_Station) June 13, 2024
Ndryshe, sëmundja e dekompresionit, e cila shkaktohet për shkak të ndryshimit të presionit atmosferik në gjak, krijon fluska azoti ose të ndonjë gazi tjetër, mund të ndikon në sistemin nervori dhe potencialisht mund të jetë vdekjeprurës.
Anëtarët e ekuipazhit të ISS ishin në gjumë në kohën kur po transmetohej simulimi, ka sqaruar Stacioni Ndërkombëtar Hapësinor, ISS.