Video/ Shpërthen zjarri në një fabrikë kimike në SHBA, Kryebashkiaku: Largohuni në strehimore!

Zjarri sërish ka shpërthyer në fabrikën për prodhimin e rrëshirës në shtetin federal amerikan Georgia, ndërkohë autoritetet kanë dhënë urdhër për evakuim.

Zjarrëfiksit fillimisht lokalizuan zjarrin dhe u tha se ishte nën kontroll, por ai sërish shpërtheu pasditen e së shtunës dhe mbi zonë u shfaqën shtëllunga të mëdha tymi.

Kryebashkiaku Cosby Johnson i bëri thirrje qytetarëve të largohen në strehimore ose të mos lëvizin nga hapsirat brenda shtëpisë që janë shumë të sigurta dhe shpalli gjendjen e jashtëzakonshme. Këshilli i Qarkut Glynn gjithashtu urdhëroi evakuimin e qytetarëve që jetojnë deri në 800 metra nga fabrika.

Zjarrëfiksit deklaruan mbrëmjen e së dielës se kanë arritur të ndalojnë zgjerimin e zjarrit. 

“Do të vazhdojmë me fikjen dhe sigurimin e zonës deri sa vendi i fatkeqësisë të jetë plotësisht nën kontroll,” tha Laurence Cargile nga njësiti i zjarrëfiksve në Brunswick, raporton NBC News. 

Për momentin nuk raportohet për të lënduar ndërsa shkaku i zjarrit nuk është përcaktuar.

Nga Fabrika Pinova thuhet se tymi i cili krijohet nga përpunimi i rrëshirës nuk guxon të preket, të thithet dhe se nënshtrimi i gjatë i organeve të frymëmarrjes ndaj këtij tymi mund të shkaktoj astmën. 

Ndërkohë zyrtarët shëndetësor kanë paralajmëruar se kemikatet që përdoren për prodhimin e rrëshirës mund të shkaktojnë irritimin e lëkurës dhe astmën. Aktualisht nuk dihet se cili është ndikimi për shëndetin kur ky material digjet.