Video/ Skandal në Kompionatin Evropian të Mundjes, kafsha ruse dhunon sportistin e Shqipërisë
Sportisti i Mundjes që përfaqëson Shqipërinë në Kampionatin Evropian të Mundjes në Bratislavë të Slovakisë, Chermen Valiev, arriti të marrë medaljen e arit në peshat deri në 74 kg në stilin e lirë, por, më pas ndodhi ajo për të cilën tani flet e gjithë bota.
Në finale, mundësi që përfaqëson Shqipërinë, Chermen Valiev, u përballë me bashkëkombasin e tij, Zaurbek Sidakov, ku fitoi me rezultat 4-2.
Radha i erdhi ndarjes së medaljes, për të cilën ceremoni ishte përcaktuar Presidenti i Federatës Ruse të Mundjes dhe Zv/Presidenti i Federatës Botërore të Mundjes, Mikhail Mamiashvili.
🤯 Глава Федерации спортивной борьбы России Михаил Мамиашвили во время награждения на ЧЕ назвал предателем выступающего за Албанию Чермена Валиева
— Спортс" (@sportsru) April 10, 2025
Валиев родился в Северной Осетии и до февраля 2024-го представлял Россию, но год назад сменил гражданство. Борец участвовал на ОИ в… pic.twitter.com/khV635fwrN
Në momentin e dorëzimit të medaljes së artë për sportistin e Shqipërisë, Chermen Valiev, në video shihet se Mikhail Mamiashvili i thotë diçka Kampionit të Evropës dhe më pas me forcë i vendos në qafë medaljen duke e shtyrë.
Mundësi i shokuar Chermen Valiev nuk reagoi ndërsa gazeta ruse “Sports” raporton se Mamiashvili i ka thënë “tradhtar”!
Vetë kafsha ruse Mikhail Mamiashvili tha për “Sport-Ekspres” se vetëm i ka uruar fitoren duke i dëshiruar suksese por më pas nuk u përmbajt dhe vazhdoi:
“Për njerëzit si Chermeni, cili është dallimi se nën cilin flamur garon? Sot – shqiptar, nesër – bullgar. Këta janë djemë të rinj, që fatkeqësisht, nuk e kuptojnë vlerën e flamurit mbi supet e tyre. Nuk e kuptojnë përgjegjësinë që kanë për vendin që i krijoi dhe u dha mundësinë. Po, ndonjëherë është në kushte të vështira, por megjithatë është Rusia e madhe që i bëri ata sportistë. Dhe, pastaj, ashtu siç duhej, ata përqafuan flamurin shqiptar,” tha Mikhail Mamiashvili për Sport-Ekspres duke mos e kuptuar ai vetë se çfarë përfafëson në atë Kampionat Evropian dhe se Chermen Valievi nuk është pronë e tij.
Ndryshe, Chermen Valievi lindi më 10 dhjetor të vitit 1998 në Osetinë e Veriut dhe përfaqësoi Rusinë deri në shkurt të vitit 2024, ku fitoi të gjitha medaljet e mundshme në Mundje në stilin e lirë. Ishte kampion i Rusisë për të rinjtë, kampion i Rusisë për seniorë, medalje të shumëta në garat vendore dhe ndërkombëtare, ndërsa në Kampionatin Botëror për të rinjtë doli i dyti. Por, në vitin 2023, pas titullit në kampionatin shtetërore, për shkak të sanksioneve ndërkombëtare për luftën në Ukrainë, vendosi të marrë pjesë në garat ndërkombëtare duke ndërruar nënshtetësinë.
Dhe, nga shkurti i vitit 2024, Chermen Valiev filloi të garoj me fanellën e Shqipërisë dhe menjëherë në Lojërat Olimpike në Paris fitoi medaljen e bronztë ndërsa titulli i kampionit i erdhi këtë javë në Kampionatin Evropian në Bratislavë.
