Video/ Studentët e Vlorës ultimatum Ramës: S’ka dialog, plotëso kërkesat. Mos na detyroni…

Që në takimin e parë jashtë ambienteve të Universitetit “Ismail Qemali” në Vlorë, studentët e kuptuan se kryeministri Edi Rama kishte ardhur për spektakël dhe jo për të ndihmuar në zgjidhjen e kërkesave të tyre.

Sapo filloi takimi, studentët e Vlores iu drejtuan me ultimatum Edi Ramës per plotësimin e 8 kërkesave të bëra tashmë publike, e më pas një grup i madh prej tyre e braktisën takimin.

Fjalën e mori një studente, e cila i tha Ramës se kishte keqkuptuar protestën:
“Ne si studentë nuk kemi protestuar kot, nuk jemi budallenj, as me parti politike, ne që kemi ndenjur në shi e në të ftohtë, ne zotëri, jemi një pjesë e atyre që ju shikojmë juve si të vetmin njeri, për momentin që mund të bëni diçka. Ju e keni keqkuptuar këtë protestë, nuk kemi kërkuar që të rrëzojmë qeverinë apo të sjellim njeri tjetër në krye të vendit, por për kërkesa bazike. Sot jemi në një sallë kaq të ngrohtë, sikur t’i bënim mësimin në salla kaq të mira?!
Duhet të kupton ju zotëri, se që të gjitha pikat janë të qarta, të shkruara e zeza në të bardhë. Komunikim ka nevojë për mesazhin, kanalin dhe marrësin…
Mesazhi ato 8 pika, kanali mënyra si kemi zgjedhur ta japim këtë mesazh, marrësi jeni ju…”

Pas saj, fjalën e mori një tjetër student duke I bërë të qartë edhe një herë Edi Ramës se kërkesat ose plotësohen ose jo, nuk ka nevojë për dialog. Madje ai i tërhoqi vërejtjen që mos ta agravojë situatën, ndryshe:
“Kemi pasur pëlqim për ju, por nuk po silleni në mënyrë korrekte, ju doni dialog, në takim përballë ju të mbushni mendjen, ne kërkesat i kemi paraqitur, duam bëhen nuk bëhen, nuk ka dialog këtu, duam marrëveshje, ne ju kemi votuar, ndaj mos na detyroni që pëlqimin ta kthejmë në urrejtje. Mos e agravoni më tej situatën, nëse do e agravoni pas pushimeve, studentëve me PD me PS e LSI do ju marrin e do ju dërgojnë e dini vetë ju, ndaj plotësoni kërkesat tona. Duam përgjigje përfundimtare, jepni zgjidhje.”

Një grup i madh prej dhjetra studentësh kanë braktisur takimin e kryeministrit Rama duke i thënë:

“Nuk kemi ç’te bisedojm, plotëso 8 pikat pastaj flasim”.

Rama ka tentuar ta ndalojë, duke i thënë se duhet të presë edhe përgjigjen, por të rinjtë i kanë kthyer shpinën dhe kanë nsiur të dalin nga takimi në masë.

Në këtë moment, Rama është dorëzuar para të rinjve dhe i ka bërë thirrje pjesës tjetër: Ok, kush do të dalë, të largohet dhe ka pritur në heshtje duke parë boshatisjen e sallën nga pjesa më e madhe e studentëve.

 

Në takim kryeministri vetëm një gjë ngatërroi,duke menduar se përballë kishte Taulant Ballën dhe jo një brez të ri të ngopur me pallavrat e politikës.

Por Edi Rama vazhdoi duke folur për tarifën, për të cilën tha se këtë vit ajo do të përgjysmohet për të gjithë. Ndërsa vitin tjetër tarifat do të variojnë sipas mesatares.

“Kur flasim për shërbime të mira, kjo bëhet më para. Nuk mund të thoni duam shërbime më të mira e të paguajmë më pak.

Gjysmën e tarifës do e paguajë shteti për ju nga Janari.

Për këtë vit ato që janë më katra do paguhen nga shteti, por jo më në vazhdim. Qeveria nuk do të paguajë për njerëz që rrinë 10 vite në shkollë.

Kush është më mesatare 9-10 do i paguhet tarifa nga shteti.

Nga 8-9, do të paguhet 75% e tarifës.Nga mesatarja 7-8, studentët do paguajnë gjysmën e tarifës. Pjesa tjetër do tëpaguajë vetë. Kjo do të nisi nga viti që vjen”, shprehet Rama.

Një nga të rinjtë i revoltuar i tha kryeministrit se po i vritet shpresa.

“Ai tjetri me vërte të vriste në bulevard, të vriste. Ndërsa ju po na vrisni shpresën.

Më vjen shumë rëndë nga vetja që jam në Shqipëri. Më mirë të lash banjot jashtë, por e di që merr shërbimin.

Kudo që shkon në Shqipëri ka rradhë, nuk ka shërbim. Kryeministri na dëgjon, po nuk na e vëveshin. Jemi lodhur. Një FRESH-ist që është këtu më tha se do të më punësontenë Bashki, thjesht për të më vendosur në portalet tuaja. Jeni bërë shumë bajat. Nuk durohet më,” u shpreh studenti ndërsa krahasimin e Ramës me të gjithë të tjerët, zemëroi kryeministrin dhe  kthye në identitet, u tërbua:

“Të isha unë si të tjerët ti do kishe ngrënë një plumb në lule të ballit.

Ti të më marrësh të keqen mua kur më krahason me të tjerët. Sot çdo student merr atë që meriton. Nuk del kurrë përpara teje një djalë politikani,” u shpreh Edi Rama duke treguar se vazhdon të jetë një dialogues, jo vetëm sot kur palët janë të tensionuara.

Por kaq e kishte dialogu. Pasi i dolën jashtë nga salla të gjithë ata që refuzojnë këtë lloj dialogu, Rama iu kthye monologut me  ata pak student që u “solidarizuan” me kryeministrin. Por edhe atyre në një moment ju hakërrye:

”Ju po e çoni protestën për lesh, të isha unë në krye të saj e dija se ku e shpija “.

Ky është kryeministri që do FRESSH-i por jo studentët që kurrë më qartë se sot, i treguan rrugën e zgjidhjes:

“S’ka dialog, plotëso kërkesat!”