Video/ Tabaku i bashkohet protestuesve: Nuk e lejojmë Ramën t’i bëjë Tiranës këtë makabritet…

Deputetë të opozitës i janë bashkuar protestës së artistëve përballë Parlamentit, ndërsa në sallën e seancave plenare ende nuk ka nisur diskutimi mbi pr/ligjin e qeverisë për Teatrin.

Prej më shumë se dy orësh artistët, të mbështetur nga qytetarë të Tiranës, i kërkojnë Kryeministrit Rama të tërhiqet nga nisma që i hap rrugën shembjes së Teatrit Kombëtar.

“Unë sot këto kartolina” Unë jam Teatri”, do ti vendos në Kuvend. Sot nëse ky ligj do të miratohet shuhet  trashëgimia e qytetit. Ju falënderoj se ju keni qëndruar për muaj me rradhë në shi dhe në diell, keni kenë pak dhe sot jeni shumë. Ne dhe ju nuk do ta lejojmë që  ky makabritet t’I bëhet Tiranës nga Edi Rama.

Opozita është gati të ndjekë çdo rrugë ligjore brenda dhe jashtë Kuvendit, do ta çojmë këtë çështje deri në Strasburg”, tha Tabaku.