Video/ Taulant Balla krenar me mikun e tij Mond Bego “që ka dy fëmijë të shkëlqyer”
Shefi i Grupit Parlamentar të Partisë Socialiste, Taulant Balla e pranoi se ka njohje me trafikantin ndërkombëtar të drogës dhe njeriun e besuar të Aldo Bares, Mond Bego, për të cilin përveç njohjes kishte dhe rrespekt sepse, siç tha, ka dy fëmijë të shkëlqyer.
“Personin në fjalë sigurisht që e njoh. Njoh bashkëshorten e tij, dy fëmijë të shkëlqyer, nxënës shembullorë, moshatarë me tim bir,” u shpreh Balla, duke e shpallë të pafajshëm dikur trafikantin e drogës sot biznesmen ndërtimi në Tiranë, Mond Bego, për të cilin ende nuk është shprehur drejtëisa greke e cila i ka vu prangat njeriut në kërkim ndërkombëtar.
Balla tha se Mond Bego nuk kishte mbrojtje politike nga PS, por e mbrojti edhe me këtë rast. Kjo viktimë, sipas shefit të Grupit Parlamentar të PS, është një njeri i thjeshtë dhe i zakonshëm, viktimë e luftës politike PD-PS. i cili po trajtohet pa të drejtë nga mediat:
“Një person nuk mund të vuajë të njëjtin lajm, si para 10 vitesh, kur e ka kryer dhe pasi e ka kryer një vepër të caktuar penale”.
Kur ditë më parë Taulant Balla u akuzua nga selia e PD se ka njohje me njeriun e besuar të Aldo Bares, nga shumë media u trajtua si thashethem dhe akuzë e zakonshme opozitare.
Sot kur shefi i Grupit Parlamentar të Partisë Socialiste e pranon miqësinë me një trafikant ndërkombëtar droge në kërkim, raportohet për një njeri familjar që ka fëmijë të shkëlqyer.
Për të gjithë ata që kanë harruar ashtu sikur se shefi i deputetëve socialistë, banda e Lushnjes së cilës i takonte miku i tij, në vitin jo të largët 1997 ishte e njohur për lojërat me koka njerëzish nëpër qytet, përdhunime, trafik të qenieve njerëzore, drogë dhe miqësi ekskluzivisht me deputetë socialist.
Sa për njeriun me fëmijë të shkëlqyer, që tashmë edhe zyrtarisht është mik i Taulantit, ja cfarë raportohej, jo nga mediat shqiptare, vetëm një ditë pas arrestimit të Aldo Bares në vitin 2009.
“Baza e parë logjistike e grupit kriminal ishte në Torino. Kohët e fundit organizata po i zgjeronte kufijtë e saj. Ishin ndarë në dy pjesë në Itali: një bazë në Milano, që drejtohej nga Edmond Bego, shqiptar 36 vjeç. Tjetra në Romë, drejtohej nga Enver Dondollaku, shqiptar, 31 vjeç. Droga vinte nga portet e Barit dhe të Ankonës, e fshehur me mjeshtëri nëpër kamionë. Pastaj transportohej nëpër Itali në shumë pika shpërndarjeje,” shkruante e përditshmja italiane “La Repubblica”, kohë kjo kur nuk kishte Ligj dekriminalizimi dhe krimi ishte pjesë integrale e Partisë Socialiste, dhe sic vërtetohet vazhdon të jetë edhe sot; Kur një gjyqtar nuk kalon vettingun sepse ishte në makinë me nipin e tij të akuzuar për shitjen e ca gramëve hashash, e shef i Grupit Parlamentar të Partisë Socialiste emërohet ai i cili rri në makinë dhe jashtë saj, në shtëpi dhe jashtë saj, me shefin e bazës kriminale në Milano në vitin 2009, Edmond Bego.
