Video/ Tensione në Los Angeles, protestuesit përplasen me Gardën Kombëtare dhe Policinë
Mbërritja e pjesëtarëve të Gardës Kombëtare në Los Angekes, me urdhër të Presidentit të SHBA, Donald Trump, ka ngritur tensionet ku përleshjet dhe dhuna u përshkallëzuan pas bastisjeve dhe dëbimet e emigrantëve.
Kryebashkiakja e Los Angelesit, Karen Bass, ndonëse u bëri thirrje banorëve të qytetit që të përmbahen nga dhuna dhe trazirat, ajo e tensionoi edhe më shumë situatën duke e akuzuar si fajtore administratën Trump.
“Banorët e Los Angelesit, mos merrni pjesë në dhunë dhe kaos. Mos i jepni administratës atë që dëshiron,” tha Karen Bass, pas takimit me Guvernatorin e Californias, Gavin Newsom, dhe shefin e LAPD, Jim McDonnell, ku u diskutua për sigurinë e qytetarëve të Los Angelesit, duke e përshkruar kështu në mënyrë kriminale qëllimin e ndërhyrjes së Gardës Kombëtare dhe vetë Presidentit Trump.
🚨#BREAKING: Multiple self-driving Waymo cars, collectively worth upwards of $600,000 each have been destroyed and light on fire by rioters
— R A W S A L E R T S (@rawsalerts) June 9, 2025
📌#LosAngeles | #California
At this time, Los Angeles police are urgently requesting Waymo to shut down its self-driving car app as… pic.twitter.com/eU4ANqPfyt
Para përshkallëzimit të kësaj dhune, Kryebashkiaku dhe Newsom i kanë bërë thirrje më parë administratës që të anulojë vendimin për dërgimin e ushtrisë, me guvernatorin e Californias që e quajti vendimin “një shkelje serioze të sovranitetit të shtetit federal”.
Bilanci i këtyre trazirave në San Francisco ishte tre policë të plagosur dhe 60 të arrestuar!
Seen just now in Downtown San Francisco: A vandalized Waymo sits stalled on Pine St in the aftermath of today's protest against ICE.
— The San Francisco Standard (@sfstandard) June 9, 2025
Read more: https://t.co/2O5eqXoJth
🎥: @ggreschler pic.twitter.com/Ujr4ayCZg8
Policia tha se individët u bënë të dhunshëm dhe u përfshinë në aktivitet kriminal, duke filluar nga sulmi fizik deri te vandalizmi serioz dhe shkatërrimi i pronës, duke nxitur një urdhër të paligjshëm grumbullimi në një pjesë të qytetit.
Një numër i madh i turmës është larguar nga zona, tha Policia, por disa individë mbetën dhe vazhduan sjelljen e tyre të paligjshme, duke përfshirë vandalizimin e ndërtesave dhe një automjet policie. Dy oficerë pësuan lëndime jashtë rrezikut për jetën dhe njëri u transportua në një spital lokal.
Duke iu përgjigjur deklaratës së policisë, kryebashkiaku Daniel Lurie tha se secili ka të drejtë të shprehë në mënyrë paqësore mendimet e tij, por se nuk do të tolerojë sjellje të dhunshme dhe destruktive.
Danile Lurie duke folur për një Policia thuase është e një pushtuesi, tha se protestat tani kanë përfunduar, ndërsa qëllimi i ndërhyrjes së policisë ishte “që të goditen anëtarët e komunitetit tonë emigrant që kontribuojnë në qytetin tonë, mbështesin ekonominë tonë dhe rrisin familjet e tyre këtu, e bëjnë qytetin tonë më pak të sigurt”.
LAPD on horses trampling a protestor before beating him with a baton. #LosAngeles pic.twitter.com/kc4u8aJzJw
— acorn (@acornings) June 9, 2025
Ndërkohë qyteti i Glendale, në Californi ka njoftuar se po ndërpren zyrtarisht kontratën me Departamentin e Sigurisë Kombëtare dhe Emigracionit dhe Zbatimit të Doganave, ICE. Sipas kësaj kontrate, shërbimi federal i imigracionit mund të strehojë të arrestuarit në objektet e Departamentit të Policisë së Glendale. Këto hapësira mundësonin vizita virtuale dhe personale, si dhe akses në telefon, dushe dhe ujë të pijshëm.
Përmes një deklarate për shtyp, autoritetet e qytetit deklarojnë se vendimi nuk është marrë lehtë. U vinte keq që disa familje tani do ta kenë më të vështirë të vizitojnë të dashurit e tyre në paraburgim ICE dhe se aksesi i tyre në ndihmë juridike mund të jetë më i vështirë në vende të tjera.
“Sidoqoftë, pavarësisht nga transparenca dhe masat mbrojtëse që ka zbatuar qyteti deri më sot, ne e pranojmë se perceptimi publik i kësaj kontrate me ICE, pavarësisht nga qëllimi dhe qeverisja e saj e kufizuar, dhe pavarësisht nga përfitimet e saj të mundshme, është bërë një burim ndarjeje.
E ndërsa opinionet për këtë çështje mund të ndryshojnë, vendimi për zgjidhjen e kontratës nuk është i motivuar politikisht. Ai buron nga vlerat thelbësore të qytetit tonë – siguria publike, përgjegjshmëria lokale dhe besimi,” thuhet në deklaratë.
