Video/ Tensione në Parlament, deputeti i PD godet me vezë Ramën: E ke nga studentët…
Deputeti i Partisë Demokratike, Endri Hasa ka qëlluar me vezë Kryeministrin Edi Rama, duke i bërë me dije se e kishte si mesazh nga studentët që po protestojnë për kushtet e veshtira dhe tarifat e larta në sistemin arsimor.
Ky incident është shënuar që në nisje të seancës, kur Kryeministri Edi Rama nisi fjalen e tij dhe premtoi se do t’i falte minutat e tij, kreut të opozitës.
“Minuta e mia do ja fal liderit të opozitës, i kthyer këtu me mandate të pjekura, por jo të djegura. Askush më kollaj se vetë Lulzimi nuk mund t’u tregoj shqiptarëve pse zgjidhja e vetme është kjo maxhorancë qeverisëse, kurse unë vetë do të shkoj të vazhdoj dialogun me studentët”, ishte kjo fjala e Ramës që duket se ka acaruar deputetin e PD, Endri Hasa i cili e ka qëlluar me vezë.
“Këtë e ke për studentët,” tha deputeti i PD, Endri Hasa duke që lluar me dy vezë në drejtim të Edi Ramës. Një vezë e ka prekur tek kollarja, ndërsa një tjetër i ka kaluar mbi kokë.
Deputeti Hasa është afruar në foltore për tu përplasur edhe fizikisht me Ramën, por në këtë moment ka ndërhyrë garda e Kryeministri pa lëvizur nga foltorja i ka kërkuar Ruçit që ta nxirrte jashtë deputetin e PD.
“Nxirre jashtë këtë,” tha Rama.
Ruçi i kërkoi Hasës që të largohet nga seanca pasi është i përjashtuar, deputeti
Endri Hasa ka refuzuar dhe Gramoz Ruçi ka ndërprerë punimet e seancës duke urdhëruar gardën që ta nxjerrë deputetin. “Kur deputeti nuk pranon të dalë nga salla, urdhërohen shërbimet e Kuvendit për zbatimin e urdhrit, seanca ndërpritet,” tha kryetari i Parlamentit.
