Video/ Tmerr, pas rrëmbimeve, zbulohen dhomat e torturave në kontejner!
Dy javë pas arrestimit të 6 personave në kufirin holandezo-belg për shkak të rrëmbimit dhe marrjes së pengjeve, autoritetet në Holandë kanë zbuluar një hapsirë sekrete për tortura të fshehur në kotejner për transport. Kjo dhomë për tortura ishte mbështjellur me izolues zëri ndërsa brenda saj u gjetën shumë pajisje që rrëmbyesit i kishin përdorur për të torturuar pengjet.
Më 22 Qershor policia holandeze ka realizuar një operacion në Wouwse Plantage në kufirin Holandë-Belgjikë, ku arrestuan 6 persona të dyshuar për rrëmbim dhe marrje të pengjeve. Me atë rast gjetën 6 kontejner për transport që ishin transformuar në qeli burgu, si dhe sasi të madhe armatimi, raporton CNN. Në çdo qeli kishte pajisje për tortura ndërsa në njërin kontejner ishte vendosur një karrige stomatologjike(poltron) me rripa për këmbë dhe duar.
“Në kontejnerin për transport detar me karrige stomatologjike kishte thasë të mbushura me pajisje që mendohet se kanë shërbyer për tortura ose presion ndaj vitkimave,” thuhet në komunikatë ku saktësohet se janë gjetur edhe kamera sigurie, tre furgon, dy makina tip BMW, shtatë revole dhe varianti kinez i pushkës AK-47.
EncroChat – treg kriminal
Autoritetet holandeze theksuan se hetimi ka filluar në muajin prill, ku është punuar në rrjetin e kodifikuar EncroChat në mënyrë që të përcjellin lëvizjet dhe planet e grupit kriminal të dyshuar për rrëmbime. Në këtë mënyrë policia zbuloi cilat ishin viktimat e planifikuara dhe arriti ti paralajmëroj dhe mbrojë.
EncroChat, i cili ofroi shërbimin e sigurt për shkëmbimin e mesazheve përmes aplikimit celular, ishte “treg kriminal” të cilin 60.000 njerëz e kanë përdorur për koordinimin e shpërndarjes së mallit ilegal, pastrimit të parave dhe planifikimit të vrasjeve, theksn Agjencia Kombëtare për Kriminalitet, NCA.
Ndryshe, gjatë operacionit, policia ka arrestuar 6 persona që kishin lidhje me kontejneret për tortura. Të gjithë të arrestuarit janë nga Holanda e Gjykata e Amsterdamit të hënën i caktoi masën e paraburgimit prej 90 ditëve.
