Video/ Tragjedi në Bullgari, 46 të vdekur nga Maqedonia e Veriut

Të paktën 46 persona kanë mbetur të vdekur pasi një autobus me targa të Maqedonisë së Veriut është përfshirë në flakë rreth orës 2:00 të mëngjesit të së martës, në afërsi të fshatit Bosnek të Bullgarisë.

Në aksident janë përfshirë 53 persona, shtatë prej të cilëve kanë mbijetuar dhe janë në spitalin “Pirgov” në Sofje, raporton BGNES.

“Në ‘Pirogov’ janë vendosur shtatë persona të gjithë me djegie në trup. Njerëzit janë në gjendje të rëndë kanë humbur familjarët,” tha drejtuesja e klinikës në “Pirgov”, Maja Argirova.

Mësohet se në mesin e 46 personave që kanë humbur jetën, 12 janë fëmijë, mes tyre edhe dy binjakë.

Sipas ekspertëve tre mund të jenë arsyet e aksidentit me autobusin në autostradën e Strumës raporton Nova.Bg, për autobusin i cili shpërtheu në flakë pasi u përplas me trafikndarëse.

“Mund të jetë cështje tenike. Mund të jetë një problem shëndetësor ose shoferin e ka zënë gjumi. E treta është se nëse ka rënë shi, mund të ketë kontribuar në tragjedi,” tha eksperti Yonko Ivanov duke shtuar.

“Autobusët e tillë zakonisht kanë dy shoferë. Pushimet e tyre duhet të zbulohen në kufi.”

Hetimet mbi shkaqet e aksidentit ku humbën jetën 46 persona vazhdojnë!