Video/ Tragjedia me avionin rus, ja si shpërthen gjatë fluturimit

Një video e tmerrshme e përplasjes së një avioni rus Tu-22M3 duke
shpërthyer në flakë, në rajonin Murmansk u shfaq në rrjtetet sociale.

Videoja e tragjedisë, e regjistruar siç duket nga një prej ushtarakëve në një bazë ajrore pranë qytetit të Olenegorsk, tregon mjegullën e rëndë që mbulon zonën gjatë incidentit të 22 janarit.

Tre nga katër anëtarët e ekuipazhit vdiqën në vend, ndërsa komandanti mbijetoi mrekullisht. Ai përfundoi në spitale me lëndime të rënda. Një hetim është hapur për të përcaktuar shkakun e rrëzimit.

Tupolev-22M3 është versioni modern i bombarduesit supersonik, që hyri në shërbim në vitet 1970.

Aeroplani i përfshirë në aksidentin fatale u prodhua 33 vjet më parë, por iu nënshtrua një rikonstruksioni tërësor në vitin 2012, duke u modernizuar.