Video/ Tragjedia në Genova, 35 të vdekur dhe qindra të plagosur, dhjetëra në gjendje të rëndë…
Pas shembjes së urës mbi lumin Polcevera, e njohur si ura Morandi, në autostradën A10 në Genova, tragjedia po bëhet gjithnjë e më e rëndë nga numri i të vdekurëve që nga minuta në minutë, po rritet.
Sipas informacioneve të fundit, në këtë tragjedi jetën e kanë humbur 35 persona, dhe parashikohet që ky numër të rritet meqë janë qindra të plagosur dhe dhjetëra prej të cilëve shumë rëndë.
Ministri i Brendshëm Italisë, Matteo Salvini theksoi se janë të paktën 30 të vdekur me rastin e shembjes së urës në Genova dhe se bëhet fjalë për një “lëshimtë papranueshëm”.
Gazetarët italianë në vendin e ngjarjes raportojnë se në momentine shembjes, nën urë ishin të paktën 30 makina ndërsa njëri prej tyre i tmerruar tha:
“Po shohë trupa njerëzish në lum!”.
Aktualisht flite për katër persona që janë nxjerrë nga rrënojat ndërsa zëdhënësi i Urgjencës tha se ka frikë që numri i viktimave do të jetë shumë i madh:
“Siç duke numri I të vdekurëve është shumëi madh, por nuk dua të parashikoj asgjë.”
Mesdita e zezë
Pak minuta para mesditës, ura mbi lumin Polcevera, e njohur si ura Morandi, u shemb në autostradën A10 në Genova. Zjarrfikësit, ambulancat dhe oficerët e policisë shkuan shumë shpejtë në vendin e ngjarjes dhe fillimisht u raportua për dhjetëra të vdekur.
Mediat lokale filluan të flasin mbi dyshimet për të vdekur, Agjencia britanike e lajmeve Reuters theksoi se nuk dihet nëse ka të vdekur edhe pse numri i të plagosurëve duhet të jetë i madh, ndërsa RT raporton për dhjetëra të vdekur.
Një dëshmitar për televizionin Sky Italia tha se ka parë “tetë ose nëntë” makina në urë në momentin kur ajo u shemb në “skenën apokaliptike”.
Agjencia italiane e lajmeve ANSA raportoi se dy persona janë nxjerrë të gjallë nga rrënojat e urës dhe janë dërguar në spitalin San Martino por dyshohet se mund të jenë dhjetëra të vrarë, derisa mediat tjera raportojnë për të paktën 11 të vdekur.
Ndërsa Genova24 raporton duke ju referuar Emergjencës Civile se numri i viktimave mund të shkojë në 300! Vetëm një orë pas tragjedisë raportohej për 20 viktima ndonëse nuk saktësohej për të vdekur ose të plagosur.
Toninelli: “Tragjedi e thellë”
“Unë po ndjek me shumë frikë se çfarë ka ndodhur në Genova dhe kjo është e tmerrshme, tragjedi e tmerrshme. Ne jemi në kontakt të ngushtë me Autostradën dhe po shkojmë në vendin e ngjarjes me Zv/ministrin Rixi,” shkruante në Tëitter pak çaste pas tragjedisë, Ministri italian i Infrastrukturës dhe Transportit, Danilo Toninelli duke theksuar se ësht vetëm një orë larg.
Ndërkohë ministri i Brendshëm, Matteo Salvini shkruan në Facebook:
“Ne po ndjekim situatën minutë pas minute, kolapsin e urës Genova, falënderoj 200 zjarrfikësit (dhe të gjitha heronjtë e tjerë) të cilët tashmë janë duke punuar për të shpëtuar jetë
Ura Morandi, e cila është nyja kryesore e qytetit dhe kalon mbi qendra biznesi, fabrika dhe shtëpi, është ndërtuar në vitet gjashtëdhjetë, ndodhet midis Sampierdarena dhe Cornigliano, është e gjatë mbi një kilometër dhe e lartë 90 metra.
