Video/ Trump: E gjithë bota po shikon dhe nuk mund ta besojë sa e fuqishme është SHBA!
Presidenti i Shteteve të Bashkuara, Donald Trump, tha gjatë një fjalimi drejtuar kombit dhe botës se ushtria amerikane pothuajse i kishte arritur qëllimet e saj në Iran, por ai nuk ofroi një afat kohor të qartë për përfundimin e luftës njëmujore dhe kërcënoi se do të bombardojë këtë vend duke e kthyer në “Epokën e Gurit”.
Trump theksoi se Shtetet e Bashkuara ishin jashtëzakonisht të suksesshme në luftën me Iranin ndërsa shtoi se e gjithë bota po shikon dhe nuk mund ta besojë sa e fuqishme dhe e shkëlqyer është SHBA.
“Është shumë e rëndësishme ta vendosim këtë konflikt në perspektivë. Pjesëmarrja amerikane në Luftën e Parë Botërore zgjati një vit, shtatë muaj dhe pesë ditë. Lufta e Dytë Botërore zgjati tre vjet, tetë muaj dhe 25 ditë. Lufta Koreane zgjati tre vjet, një muaj dhe dy ditë. Lufta e Vietnamit zgjati 19 vjet, pesë muaj dhe 29 ditë. Lufta e Irakut zgjati tetë vjet, tetë muaj dhe 28 ditë.
Në këtë operacion ushtarak, kaq të fuqishëm, kaq të shkëlqyer, kundër njërit prej vendeve më të fuqishme, ne marrim pjesë për 32 ditë. Dhe ai vend është shkatërruar dhe në thelb nuk përbën më kërcënim. Ata ishin ngacmuesit e Lindjes së Mesme, por nuk janë më.
Trump on Iran:
— Clash Report (@clashreport) April 2, 2026
This is a true investment in your children’s and grandchildren’s future. pic.twitter.com/H5DlPEvHea
Ky është një investim i vërtetë për të ardhmen e fëmijëve dhe nipërve e mbesave tuaja. E gjithë bota po ju shikon dhe nuk mund ta besojnë se po shohin një fuqi, forcë dhe shkëlqim të tillë, thjesht nuk mund ta besojnë atë që po shohin, do ta lë në imagjinatën tuaj, por nuk mund ta besojnë atë që po shohin, shkëlqimin e ushtrisë amerikane,” tha Presidenti amerikan Donald Trump mbrëmjen e së mërkurës duke u zotuar:
“Sonte, çdo amerikan mund të presë me padurim ditën kur më në fund do të jemi të lirë nga e keqja e agresionit iranian dhe fantazma e shantazhit bërthamor. Për shkak të veprimeve që kemi ndërmarrë, jemi afër përfundimit të kërcënimit të kobshëm iranian ndaj Amerikës dhe botës.
Dhe unë ju them, bota po na shikon. Dhe kur ta bëjmë këtë, kur gjithçka të ketë mbaruar, Shtetet e Bashkuara do të jenë më të sigurta, më të forta, më të begata dhe më të mëdha se kurrë më parë.”
