Video/ U plagos në Atentatin te Rinasi, ndërron jetë Muçi Shaljani

Muçi Shaljani i cili u plagos në atentatin në rrethrrotullimin e Rinasit ndaj Gilmando Danit më 11 nëntor, ka ndërruar jetë mbrëmjen e së premtes në Spitalin e Traumës.

“Në vijim të informacionit të dhënë më datë 11.11.2025, mbi ngjarjen e ndodhur tek rrethrrotullimi i Rinasit, ju informojmë se shtetasi M. Sh. (Sh.), i cili mbeti i plagosur, ka humbur jetën gjatë natës,” bënë tëditur Policia e Shtetit përmes një informacioni shtesë.

Në atentatin në rrethrrotullimin e Rinasit, Muço Shaljani, i njohur me mbiemrin Sheqeri, u plagos me 10 plumba, 2 prej të cilave në kokë.

Sheqeri ishte shofer i Gilmando Danit, ndërsa prej disa muajsh ishte emërur dhe oficer i Agjencisë së Mbikqyrjes Policore.

Ndryshe, viktimë e atentatit në rrethrrotullimin e Rinasit mbeti Gilmando Dani, i njohur si krahu i djathtë i Emiljano Shullazit.

Gilmando Dani ishte arrestuar bashkë me Emiljano Shullazin në vitin 2015 dhe ishte liruar në vitin 2023 me kusht pasi kishte kryer 2/3 e dënimit.