Video/ Vetëdorëzim i Balilit ose Niset trimi për gurbet…

Është vetëdorëzuar apo është arrestuar. Del videoja që hedhë poshtë insinuatat shtetërore mbi operacionin e madh dhe arrestimin, kur shihet momenti ndërsa Klement Balili takohet me njerëzit në Delvinë para se të dorëzohej në polici.

Si një njeri i zakonshëm, i shoqëruar nga nipi i tij por dhe nga njerëz të shumtë, miq e të afërm, Klement Balili shihet në këtë video të publikuar nga BË ku pranë mjetit teksa përshëndetet me njerëzit sikur po shkon në një udhëtim jashtë vendit.

Janë të shumtë qytetarët që kanë dalë për ta shoqëruar. Ndërkohë që shihet se një prej personave pranë tij fut në bagazhin e makinës një çantë ngjyrë ushtarake.

Meqë Klement Balili sot nuk është nisur për gurbet, që këto skena janë të njohura për shqiptarët, dhe është nisur me Drejtorin e Policisë, Ardi Veliu, drejtë policisë në Tiranë, atëherë nuk ka më dyshime.