Video/ Visar Zhiti: Shqipëria burgosi veten e saj!
Poeti dhe shkrimtari i njohur, ish i burgosur i komunizmit, Visar Zhiti, thekson se duke i hedhur atij prangat, Shqipëria burgosi veten e saj. Në një intervistë për VOA, ai thekson se ashtu si shumë bashkëvuajtës të tjerë, ka gjetur dosjen e tij që është plot me pseudonime të njerëzve të cilët e spiunuan dhe e burgosën vetëm e vetëm se kishte shkruar disa poezi.
Vuajtja na mëson të dimë të duam, tha zoti Zhiti gjatë intervistës me gazetarin Ilir Ikonomi në një park të Washingtonit.
Shkrimtari, i cili sapo ka përfunduar detyrën në Ambasadën e Shqipërisë në kryeqytetin amerikan, rrëfen vitet e tij të burgut, formimin si poet dhe ndjeshmëritë e jetës.
