VIDEO/Vokshi: Ja pse Rama dhe Veliaj gënjejnë publikisht për Teatrin, si do të ndërtohen…

Albana Vokshi, deputete e Partisë Demokratike, tha se Edi Rama dhe Erjon Veliaj, gënjejnë publikisht kur thonë se territori i Teatrit Kombëtar.

Vokshi tha se ligji i jashtëzakonshëm që duan t’a miratojnë me urgjencë bie ndesh me Kushtetutën dhe shumë ligje të tjera dhe përmes tij synohet të pastrohen miliona euro përmes ndërtimeve që do të bëhen në qendër të Tiranës.

Vokshi tha se janë 5522 metra katror territor të Teatrit Kombëtar, për të cilën Veliaj tha se nuk do të preket asnjë centimetër, ndërkohë që sipas Edi Ramës do të ngrihen 3 kulla.

“Edi Rama i ka vënë një çmim qesharak 470 euro për metër katror, ndërkohë që çmimi është 5 herë më i shtrenjtë.

Erjon Veliaj, sekseri i Edi Ramës në Bashki, po mban të fshehtë skemën e grabitjes së pronave publike në mes të Tiranës.

Pasi nxorën jashtë funksionit Gjykatën Kushtetuese, ka vendosur të realizojë grabitjen e pronës së shqiptarëve.

Është në dorën tonë që të mos lejojmë Edi Ramën të shkatërrojë çdo vlerë të dinjitetit kulturor dhe europian të shqiptarëve.

PD i bashkohet artistëve në kauzën e drejtë të mbrojtjes së Teatrit Kombëtar”, tha Vokshi.