VIDEO/ Vokshi: Kullat te Teatri, fitimi është 205 mln euro. Rama ka 20 vjet që kërkon…

Partia Demokratike, përmes deputetes Albana Vokshi, ka denoncuar edhe njëherë atë që e konsideron si planin mafioz të Edi Ramës për ndërtimin e kullave te Teatri Kombëtar.

Në një konferencë për mediat nga selia e PD-së, Vokshi theksoi se fitimi minimal për një kullë është 34.2 milionë euro , ndërsa fitimi i përgjithshëm i planifikuar për 6 kullat është 205 milionë euro.

Vokshi tha se Kryeministri Edi Rama prej 20 vitesh kërkon të shembë Teatrin Kombëtar, madje ajo shtoi se që kur u vu në postin e ministrit të Kulturës, ai tha se godina ishte e rrezikuar nga zjarri.

“Plani i Ramës për të shembur Teatrin dhe ngritur kullën është i hershëm. Prej 20 vjetësh rama është armiku kryesor i teatrit dhe artistëve. Që kur u bë ministër kultuore në 1998, teatri dhe denigrimi i artistëve ka qënë në fokus të Ramës që ka bërë veprime konkrete kundër tij.

Me të marrë detyrën 20 vite para, ai caktoi se godina rrezikohej nga zjarri dhe mbylli sallat. Dha me qera 1 dollarë mtri katror teatrin që u kioskizua dhe u kthye në bingo e kafe për shkak të lidhjeve të paligjshme të tij.

Edhe kundërshtia e tij me Pandeli Majkon për Teatrin është 20-vjeçare se ish-kryeministri ishte në krah të artistëve.

Rama devijoi qëllimshëm çdo fond të donatorëve për Teatrin. Këtë e bëri dhe si kryestar bashkie kur promovoi ndërtimin me koncesion të Teatrit. Si kryeministër Edi Rama i mashtroi artistët dhe qytetarët, të cilëve u kishte premtuar rikosntruksionin e plotë”, tha Vokshi.