VIDEO/ Vokshi: Rama ka urdhëruar institucionet të mos japin asnjë informacion për Teatrin

Deputetja demokrate ,  Albana Vokshi, akuzoi Kryeministrin Edi Rama se ka urdhëruar institucionet e shtetit që të mos japin informacione në lidhje me çështjen e Teatrit Kombëtar.

Vokshi u ndal në refuzimin që i bëri kreu i hipotekës kërkesave të opozitës për të dhënë informacione lidhur me pronësinë te territori Teatrit dhe në kufij me të, sipërfaqen që zotërohet nga Bashkia, kompania Fusha dhe të tjerë, pronarë të mundshëm.

Vokshi tha se kjo është bërë me urdhër të Ramës dhe askush nuk flet për pronësinë e Teatrit Kombëtar, duke shkelur në këtë mënyrë Kushtetutën.

“Me urdhër të Ramës të gjitha institucionet  po fshehin informacionin. Deri tani me gjithë kërkesat tona ata kanë refuzuar të bëjnë transparencë mbi pronën konkrete.

Meqenëse se të gjithë kanë refuzuar të japin informacionin, në mungesë totale të informacionit disa deputetë të opozitës  i kërkuan informacion Hipotekës.

Informacioni është detyrim për ty dhënë, në dëgjesën e parë drejtori refuzoi të paraqitje, po ashtu në dëgjesën e sotme më urdhër të Rmës u refuzua dhënia e informacionit.

Kreu i Hipotekës, refuzoi që ti përgjigjej pyetjeve të opozitës, refuzoi të jepte informacion për gjendjen aktuale të pasurisë”, tha Vokshi.