Video/ Vuçiçit i ik truri, përplaset edhe me invalid
Ndërsa protestat kundër qeverisë së Serbisë po vazhdojnë prej muajsh pas shembjes së një strehe në stacionin e trenit në Novi Sad, ku humbën jetën 15 persona, aty ku sot studentët kanë bllokuar rrugët kryesore të ndihmuar nga qytetarët e pakënaqur nga korrupsioni dhe pushteti absolut i Aleksandar Vuçiçit, siç duket durimi i Presidentit të Serbisë po soset!
Pas dështimit me antimitingjet, sulmet terroriste mbi protestues duke i shtypur nga “qytetarë të panjohur” dhe së fundi mashtrimit të studentëve duke viktimizuar Kryeministrin, gjatë një bashkëbisedimi me qytetarët në Varvarin ai shihet se ka humbur kontrollin, madje u përplas edhe me një pensionist.
“Doja të pyesja diçka për të gjithë invalidët në Serbi. Unë vetë jam invalid dhe nuk kam dorën e djathtë dhe marr saktësisht 8750 dinarë (rreth 75 euro) nga shteti për paaftësinë time fizike. Do ta përsëris këtë. 8750 dinarë. Jo vetëm unë, por të gjithë invalidët që u lënduan në vendin e punës. Po flas për dëmtim fizik, për këtë paguhem,” tha një burrë nga publiku.
“Cilat janë të ardhurat tuaja të tjera?”, pyeti Vuçiç.
“Unë kam pension, kam punuar”, u përgjigj burri.
“Sigurisht që keni punuar. Ju paguheni për atë që keni bërë. Dhe madje paguheni për paaftësi fizike. Pra, çfarë mund të bëjmë tjetër?”
“Ju vazhdoni të thoni, si ju, ashtu edhe Brnabiç dhe të tjerët, se lufta është për çdo person, për drejtësinë sociale. Epo, kjo është drejtësia sociale prej 8750 dinarësh. Kur e rrit atë shumë për 11 për qind, nuk është 900 dinarë.” tha ai.
“Ne po e rrisim pensionin për 11 për qind”, e ndërpreu Vuçiç. “Kur në jetën tuaj dikush ju ka rritur pensionin për 11 për qind? Kur? Më tregoni në cilin vit? 1975? 85? 95? 2005? 15?”, filloi ti rendis vitet, Vuçiç i nervozuar dhe shton: “Kur ua ka rritur dikush pensionin për 11 për qind?”
“Unë nuk isha në pension atëherë,” tha burri që nuk po pkuptonte sjelljen e Presidentit.
“Aaaa nuk ishit në pension atëherë? Aha, mirë. Tani ata do të vijnë dhe do t’ju japin një rritje prej 11 për qind çdo vit,” tha Vuçiç.
“Kur i shtoni 11 për qind në atë shumë, mua nuk më mbesin 900 dinarë. Nga ato 900 dinarë, ju merrni menjëherë një taksë prej 300 dinarësh për abonimin e TV,” tha burri.
“Mendoj se ke të drejtë për këtë”, filloi të flas Vuçiç me ironi. “E shihni, unë mendoj se duhet të heqim fare televizionin shtetëror!”
Por burri vazhdoi duke pyetur nëse “do të falimentojë televizioni nëse nuk marrin 300 dinarët e tyre,” duke iu referuar parave të invalidëve, por kjo e tërboi fare Presidentin e Serbisë.
“Jo, po do të falimentosh ti për 300 dinarë,” u shpreh Vuçiç duke ngritur zërin. “Pastaj duhet të filloj të lutem për ato 300 dinarë shtesë,” shtoi Vuçiç.
Organizatorët e bashkëbisedimit nisën ti marrin mikrofonin burrit që e bëri me nerva Presidentin por Vuçiç më pas kërkoi që burrit t’i jepej mikrofoni dhe e pyeti se sa ishte pensioni i tij.
“Sa para keni marrë ju?”, bërtiti Vuçiç duke konstatuar se pensioni i është rritur për mbi 4000 dinarë, që është rreth 34 euro.
Ndryshe, sot në Novi Sad janë bllokuar tre urat kryesore, Varadinski, Zhezhelev dhe Ura e Ilirisë ndërsa numri i protestuesëve është shumë i madh, dhe, vlerësohet si protesta më e madhe në historinë e këtij qyteti.
Sot është Dita e Novi Sadit dhe tre muaj nga rënia e strehës në stacionin e trenit ku humbën jetën 15 persona. Mbrëmë kanë mbërri dhe mirërpritë nga qytetarët studentët nga Beogradi, të cilët ishin nisur në këmbë ose me biçikleta.
