Video/ Xherdan Shaqiri shpartallon Manchester Unitedin, Mourinho: Goli i Shaqirit ishte i bukur!

Fudbollistët e Liverpoolit i dhanë një leksion të mirë ekipit të Jose Mourinhos në SHBA, ndërsa goli spektakolar i Xherdan Shaqirit në minutën e 82 ishte edhe xhevahiri i ndeshjes miqësore Manchester United-Liverpool që përfundoi me rezultat 4:1.

Dy penallti dhe asisti i Shaqirit ishin fatale për Manchester United e cila arriti vetëm të barazoj në minutën 31 permes Pereiras ndërsa ylli i ndeshjes padyshim se është Shaqiri. Ai më parë i serviri topin si në pjatë Sturridget, që Sheyi Ojo të shënonte nga penalltia, dhe në fund me golin spektakolar i vuri vulën humbjes së madhe të Manchester United.

Është interesante që Mourinho deri në minutën 71 bëri vetëm një ndryshim dhe më pas pesë, ndëra Klopp në gjysmën e parë bëri pesë ndryshime, e në minutën e 65 edhe gjashtë të tjera.

Jose Mourinho, normalisht i paknaqur tha se ai nuk do të paguante për të parë një ndeshje të tillë, megjithatë lavdëroi fansat që ishin mbledhur në numër jashtëzakonisht të madh, mbi 100 mijë. Me këtë rast ai nuk harroi edhe momentet e mira të ndeshjes: “Golat e Pereiras dhe të Shaqirit, ishin gola të bukur!”

Kjo ishte paraqitja e parë e Shaqirit për Liverpoolin pas kalimit të tij nga Stoke City pak ditë më parë.