VIDEO/ Zvicra e shqiptarëve ndal Brazilin…

Zvicra e jashtëzakonshme, fitoi 1 pikë të madhe në përballje me pesë herë kampionin e Botës, Brazilin, në ndeshjen e vlefshme të grupit E në Kampionatin Botëror.

Shqiptarët e Zvicrës barazuan me rezultatin 1:1 me Brazilin, në sfidën e parë, që u zhvillua në stadiumin “Rostov Arena”.

Në një atmosferë drithëruese, futbollistët shqiptarë Xherdan Shaqiri, Blerim Xhemaili, Granit Xhaka dhe Valon Behrami, ky i fundit u zëvendësua në minutën e 71-të, dhe lojtarët dëshmuan lojë të madhe.

Në minutën e 3-të, Blerim Xhemaili kërcënon portën e Brazilit, por gjuajtja e tij shkoi mbi portë. Paulinho në minutën e 12-të humbi një rast ideal, i cili nga afërsia gjuajti jashtë portës së Zvicrës.

Në minutën e 20-të, Philippe Coutinho nga rreth 19-20 metra dërgoi një projektil të vërtet që përfundoi në shtyllë dhe brenda portës së Zvicrës. Ky ishte eurogol i Coutinhos, ndërsa portieri Sommer as që kishte fuqi të ndalë këtë goditje të fuqishme.

Zvicra pas shumë përpjekjeve barazoi rezultatin 1:1 në minutën e 50-të. Xherdan Shaqiri nga korneri harkoi për bukuri, ndërsa Stefen Zuber kërcen më së larti e nga afërsia me kokë godet fortë topin, duke dërguar në pjesën e lartë dhe la të shtangur portierin Alisson. Në minutën e 73-të, Blerim Xhemaili nga pozita qendrore rreth 18 metra, por goditi plogësht dhe pa telashe e ndali portieri Alisson.

Në minutën e 90-të, portieri Sommer hero i sfidës, ndalë një goditje të fuqishme me kokë nga ana e Firminos. Më pas Mirandas humbë një rast të qind për qind, për fat të portierit të Zvicrës topi shkoi jashtë portës.

Zvicra barazoi me rezultat 1:1 me Brazilin, një pikë shumë e madhe. Me 22 qershor Zvicra takohet me Serbinë, kurse Brazili ndeshet me Kosta Rikën. Serbia kryeson në grupin E me 3 pikë, pasojnë Zvicra e Brazili me nga 1 dhe Kosta Rika e fundit me 0 pikë.

Brazili-Zvicra 1:1

Stadiumi “Rostov Arena” në Rostov.

Shikues: 43.000.

Gjyqtar: C. Ramos (Meksika).

Shënues: Coutinho (20′) – Zuber (50′).

Kartonat e verdhë: Casemiro-Lichtsteiner, Schar, Behrami.

Brazili: Alisson, Danilo, Silva, Miranda, Marcelo, Casemiro (Fernandinho 60′), Paulinho (Augusto 67′), Willian, Coutinho, Neymar dhe Gabriel Jesus (Firmino 79′).

Zvicra: Sommer, Lichtsteiner (Lang 87′), Schar, Akanji, Rodriguez, Behrami (Zakaria 71′), Xhaka, Shaqiri, Xhemaili, Zuber dhe Seferoviq (Embolo 80′).