Videoja e qeverisjes rilindase/ SPAK merr në pyetje vajzën, Safet Gjici jep dorëheqje!

Video skandali i Kryetarit të Bashkisë Kukës, Safet Gjici, i cili përfundoi në rrjetet socialiste ndërsa shihej qartë se si veprojnë rilindasit e zgjedhur të Edi Ramës në ambientet e punës, kishte epilog ndryshe nga rastet tjera.

Mësohet se vajza protagoniste në video, shtetasja me inicialet A.K., me origjinë nga Berati dhe vendbanim në Durrës, është thirrur nga Prokuroria e Posaçme kundër Korrupsionit dhe Krimit të organizuar, për tu marrë në pyetje në lidhje me ngjarjen, pasi SPAK ka nisur tashmë hetim ndaj zotit Gjici.

Ndërkohë vetë Safet Gjici ka dhënë dorëheqje nga posti i Kryetarit të Bashkisë Kukës, post të cilin sapo ia ribesuan kuksianët në zgjedhjet e 14 majit.

Dhe, vetëm pak orë pas kësaj dorëheqje, qeveria njoftoi shkarkimin e tij nga detyra. Ministrja Delina Ibrahimaj pas mbledhjes së Këshillit të Ministrave bëri me dije se Këshilli mori vendimin për shkarkimin e tij.