Video,Viti i ri shkollor/ Denoncimi, PD: Mbyllja e shkollave, tregues i dhimbshëm se me Edi Ramën arsimi është më keq

Ministrja e Arsimit Lindita Nikolla mburret se në çfarë kushtesh ka nisur sot viti i ri shkollor për 480 për mijë nxënës, dhe kryeministri Edi Rama me rastin e përurimit të njërës prej shkollave më të vjetra në kryeqytet “Kosova” premton ndërtimin edhe të 17 shkollave, por deputetët e Partisë Demokratike në të gjitha qarqet denoncojnë mbylljen e 133 shkollave.

Deputeti i PD Luan Baçi  denoncon se mbyllja e shkollave në Fier dhe braktisja nga mijera nxënës është tregues i dhimbshëm se me Edi Ramën arsimi është çdo vit e më keq. Deputeti Luan Baçi eshte në Boçovë të Fierit.

Fenomeni i mbylljes së shkollave shfaqet edhe në Kamëz. Deputetja e PD, Jorida Tabaku denoncon nga  Zall-Herri.

Situatë e rënduar është edhe në Rrogozhinë ku deputetja Orjola Pampuri denoncon nga Lekaj të Rrogozhinës

Nga Dajçi në Shkodër, deputetja Izmira Ulqinaku tregon arsyen e mbylljes së shkollave fillore dhe të mesme. Ajo denoncoi mosfillimin e vitit të ri shkollor për qindra nxënës, ndonëse një vit më parë mësimi vijonte normalish

Ndërkohë deputeti Klevis Balliu denoncon mbylljen e 7 shkollave në Pogradec. Largimi masiv i banorëve, kushtet e renda ekonomike dhe sociale, sipas tij, janë arsyet e mbylljes së tyre.

Deputetja Lindita Metaliaj denoncon mbylljen e 9 shkollave në qytetin e Lezhës. Nga Fishta ajo tha se, Edi Rama nuk ka prioritet arsimin dhe të ardhmen e vendit, por bashkëqeverisjen me bandat.

Mbylljen e shkollave në Mat e ka denoncuar deputetja Dhurata Çupi, e cila u ndal në Patin të Klosit.

Fillimi i vitit të ri shkollor 2018-2019, e gjen sistemin arsimor edhe Qarkun e Kukësit me një bilanc të mjerueshëm. 3 shkolla të mbyllura në Rrethin e Tropojës dhe 6 shkolla në Rrethin e Kukësit, ndërsa në Has ka një rënie prej 15% të numrit të nxënësve që frekuentojnë sistemin arsimor, denoncon deputeti Isuf Çelaj.

Ndërkohë denoncimet kanë vazhduar edhe nga Qarqet tjera ku situata kryesisht është alarmante.