Vidhet kasaforta në Zyrat e Drejtorisë së Transportit Rrugor në Kashar

Vidhet Zyra e Drejtorisë së Përgjithshme të Transportit Rrugor në Kashar. Policia konfirmoi se vjedhja ka ndodhur gjatë natës nga dy persona ende të paidentifkuar dhe është konstatuar mëngjesin e sotëm nga pastruesja e institucionit.

Mësohet se autorët e këtij krimi kanë hapur një kasafortë duke marrë gjërat apo paratë që ishin brenda ndërkohë kasafortën tjetër nuk arritën ta hapin dot dhe e kanë marrë me vete.

Autorët më pas janë larguar me një automjet ndërkoh kamerat e sigurisë po këqyren e sipas policisë Grupi hetimor është në vendngjarje dhe vijon puna për zbardhjen e rrethanave të ngjarjes.

Informacion paraprak

Me datë 24.06.2020, rreth orës 07:45, është njoftuar salla operative se gjatë natës, në Kashar, dy persona ende të paidentifikuar dyshohet se kanë vjedhur kasafortën e një objekti.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, si edhe për identifikimin dhe kapjen e autoreve.