Viktima e 4-të, Rama: Disa humbje nuk i kemi në dorë por shmangien e katastrofës e kemi ne…
Pas raportimit edhe të 15 rasteve të reja me koronavirus dhe një humbje jete nga COVID-19, ka reaguar Kryeministri Edi Rama duke theksuar se vdekjen nuk e ndalim dot që të na marrë njerëz por të shmangim kërdinë për shkak të papërgjegjshmërisë.
“Siç e patë, fatkeqësisht humbi jetën dhe një 43 vjecar që nuk vuante nga sëmundje kronike, ngushëllime familjeve të të ndjerëve. E dimë se virusi synon më të moshuarit dhe më të dobëtit, por as të rinjtë nuk janë 100% të paprekshëm. Por ju lutem si të gjithë herët, të gjithëve, mos luani me zjarrin, nuk e ndalim vdekjen të na marrë njerëz por të shmangim kërdinë për shkak të papërgjegjshmërisë, do të humbasim njerëz, askush nuk e di se sa, po jo të humbasim një mal me njerëz, kurrën e kurrës, këtë e kemi ne në dorë.”
Duke i bërë thirrjeve qytetarëve për durim dhe një pëfundim të mbari ripërsitit mesazhin të lajnë duart, të mbajnë distancë të moshuarit dhe ti përqafojnë kur të mbarojë:
”Duhet durim, durim. Kur bëni pazar mos rrini grumbull, por rrini 1 metër të paktën larg me kurriz. Pse është kaq e vështirë. Ç’lidhje kanë oraret me qëndrimin në radhë. Ç’lidhje kanë oraret me ecjen dyshe apo treshe. Këto janë shërbime që I bëhen armikut. Pikërisht në grumbullimet dhe gjen shesh dhe bën përsheshin e hidhur.
Shiheni ç’ndodh në botë, me kapacitete shumë më të mëdha po mendojnë për kapacitete sipërfaqe të varreve pasi nuk përballin dot agresionin progresiv dhe marrjen e frymës vetëm me spitale. Ne u futëm shpejt në llogore, dhe është turp të humbasim këtë avantazh për mustaqet e Çelos. Kush e ka menduar që kjo luftë do mbarojë pa humbje jetësh e ka gabim. Ç’do gjë që do të bëjmë ne , kam përsëritur pa pushim, çdo gjë që bëjmë ne për mirë apo për keq duke u disiplinuar e ngadalësojmë humbjet e jetëve. Të dalim nga kjo luftë të fituara dhe mos numërojmë mijëra, e mijëra jetë të humbura dhe të gjejmë varre dhjetëra kilometra larg.
Lani duart, mbani në distancë të moshuarit dhe ti përqafoni kur të mbarojë, dhe jo t’i qani apo edhe të mos i varrosni siç duhet,” tha Edi Rama duke përfunduar:
“Forca e zakoneve është e tmerrshme, nuk është e pathyeshme. Nuk duhet të mundojmë trurin sa do zgjasë kjo luftë, por ditët t’i marrim një nga një. Kjo luftë fillon kur hapim sytë dhe përfundon kur mbyllim luftë. Të pabindurit do pakësohen, duke parë edhe buletinin e luftëarëve ku numri do të shtohet. Por s’mund të merret përpjetë dhe vdekjet të rriten për shkak të tjerëve. As zoti nuk na ndihmon po nuk ndihmuam vetën. Ta zmbrapsim këtë mortje nga shtëpia jonë. Disa humbje nuk i kemi në dorë por shmangjen e katastrofës e kemi ne dhe vetëm ne.”
