Viktimat e luftës në Kosovë/ Kongresi amerikan përmbytet në lotë me rrëfimin e Vasfije Krasniqit…
Për ta kuptuar krimin serb në Kosovë dhe jo vetëm, duhet të dëgjoni dëshmitarët e gjallë të këtij tmerri të madh që nuk është parë pas luftës së dytë botërore në Evropë, deri në shpërthimin e luftës në Ish-Jugosllavi.
Çfarë bëri bota?! Asgjë! Kur shpërtheu lufta në Kroaci numëroi viktimat, dhe meqë bota vështronte, Sllobodan Millosheviçi vazhdoi me spastrime të tokave joserbe edhe në Bosnje, për të ardhë më pas në Kosovë!
Për ta kuptuar se çfarë ndodhi vërtetë në Kosovë, dhe pse Presidenti i Serbisë, Aleksandar Vuçiç duhet ta mbyllë gojën, duhet ta dëgjoni rrëfimin e Vasfije Krasniqi Goodman, një nga të përdhunuarat prej forcave ushtarake dhe paramilitare serbe, që përveç vrasjes urdhër ekzekutiv kishin përdhunimin!
Ajo mori guximin dhe foli. Sot u dëgjua edhe nga Kongresit amerikan si njëra nga viktimat e krimeve të luftës në Kosovë, që është dhe hera e parë që në Kongres zhvillohet një dëshmi me pjesëmarrje të gjerë për të kërkuar drejtësi për viktimat e krimeve të luftës në Kosovë, me theks të veçantë tek viktimat e përdhunimeve. Dhe, askush nuk do ta kishte menduar se një ditë do të derdhet edhe kaq shumë lotë, do të ndjehet kaq shumë tmerr dhe neveri nga njëra prej 20.000 grave të përdhunuara nga ushtarët dhe paramiltarët serbë në Kosovë.
“Faleminderit shumë që më keni dhënë mundësinë për të ndarë storien time me ju. Në prill të vitit 1999 kur isha vetëm 16 vjeç policët serb hynë në shtëpinë e familjes sime dhe po kërkonin babain dhe vëllezërit e mi, por kuptuan se ata nuk ishin aty. Isha me nënën time, tezen dhe dy kushërirat kur serbët kërkuan t’i shohin dokumentet tona. Kur shikuan tek dokumentacioni im ai e mori atë dhe tha se unë duhet të shkojë në stacionin policor dhe në atë moment agji im erdhi nga shtëpia dhe pyeti pse po e merrni vajzën tonë? Polici iu përgjigj se nëse ndokush lëviz, do të gjuaj në secilin prej nesh!”
Pasi e morën nga duart e nënës, vazhdon rrëfimin ajo, e ëma u kërkoi atyre ta merrnin atë në vend të Vasfijes.
“Nëna ime i tha atij të marrë atë në vend timin. Policët serbë më morën nga duart e nënës sime dhe më quan tek një vend tjetër, një shtëpi e pameremetuar në afërsi ku ishin serbët e tjerë ku më pas tha se po merr hakun e Kosovës në mua. Më hodhën në një dysheme, bërtita, ai më dhunoi. Më kujtohet gjithçka. Unë i kërkova të më vriste. Ai më tha jo, sepse kështu do të vuash më shumë. Çdoherë që unë bërtisja ai më hidhte nga një serb në tjetrin. Pasi që kreu punë me mua ai më mori dhe më la në një veturë e dija që ishin të gjithë serbë aty dhe isha e frikësuar të lëvizja. Edhe të tjerët serbë që ishin në një market afër u afruan edhe ata dhe më quan përsëri në atë shtëpi. Aty më dhunoi një tjetër, ishte plak, unë vazhdoj ta kujtojë atë njeri. Pastaj më çuan në fshatin tim dhe më lanë në rrugë.”
Të gjithë po dëgjonin me vëmendje dhe zemër të thyer, bota po mbushej çdo moment me turp ndërsa ajo vazhdonte rrëfimin, por Vasfije Krasniqi ishte e vendosur që ta zbardhë të vërtetën serbe në Kosovë për të cilën është heshtur:
“Nuk doja të shkoja më në shtëpisë sepse nuk doja të iu tregoja se çfarë ka ndodhur. Policët serbë më mësuan që t’iu them kam dëshmuar në stacion policor. Por kur arrita në shtëpinë e agjit tim nuk kisha nevojë të flisja sepse gjendja ime dihej,” tha Vasfije Krsaniqi-Goodman, ajo e cila mori guximin të flas për atë çfarë I ndodhi përballë një ushtrie të tërë serbe e cila përveç se të shkatërroj, keqtrajtoj dhe vras, kishin dhe një urdhër ekzekutiv, të shkatërroj farën e kombit shqiptarë: Të përdhunoj gratë shqiptare!
Para Kongresit dëshmuan edhe Kryetari i Komitetit për Marrëdhënie të Jashtme të Kongresit Amerikan, Eliot Engel, Ish-presidentja e Kosovës, Atifete Jahjaga, dhe dëshmia e vëllaut të vëllezërve Bytyçi, Iliri, që konfirmon se Presidenti i Serbisë është po ai krimineli i viteve 1992-1999 me kallashnikov në dorë.
Ylli, Agron dhe Mehmet Bytyçi u vranë nga UDB-ja serbe pasi i shin kapur nga paramilitarët serbë, dhe përkundër premtimeve të autoriteteve serbe që u dhanë Zyrtarëve amerikanë për zbardhjen e këtij rasti, ka dhe një të vërtetë tjetër të cilën e dëshmoi sot Iliri para Kongresit:
“Jam nga një familje emigrantësh jam rritur në Kosovë dhe Amerikë së bashku me 3 vëllezërit e vrarë dhe nënën. Ishim të tmerruar kur pamë familjarë që gjatë luftës po përziheshin nga shtëpitë e tyre. Ne pamë se komuniteti në Neë York ishte i bashkuar dhe donin të shkonin të luftonin kundër pushtimit të Serbisë mbi Kosovën. Ylli, Mehmeti dhe Agroni ishin të vendosur të shkonin. Ata u pajtuan që të shkonin në një zonë të sigurt dhe humanitare, por një automjet pa targa i kidnapoi dhe ata u gjetën në Petrovosello në një varrezë masive. Vëllezërit e mi u gjetën me duar të lidhur dhe të ekzekutuar në kokë vetëm pse ishin shqiptarë. Ne po kërkojmë drejtësi sepse Presidenti i Serbisë Vuçiç po i mbron kriminelët, dhe lavdëron periudhën e Millosheviçit,” tha ai duke I lënë gojëhapur kongresmenët amerikanë të cilëve po ju shitej një president serb modern dhe i hapur:
“Unë kam takuar më 2015 Vuçiçin për ti kërkuar drejtësi për vëllezërit e mi, dhe ai e ka kërcënuar familjen time,” tha Ilir Bytyçi duke folur për shumë shqiptarë të zhdukur për të cilët askush nuk është dënuar në Serbi, madje as për fshehje të këtij krimi makabër, arsye kjo që e bënë edhe të më të domodoshme miratimin e një Rezolute për krimet serbe në Kosovë.
“Kongresi amerikan duhet të miratojë rezolutën që ti japin rëndësi të veçantë këtyre gjërave sepse Serbia po përpiqet të hyjë në BE dhe i është mundësuar hapja e kapitullit për anëtarësim. Është momenti që SHBA-të dhe BE-ja ti tërheqin vërejtjen Serbisë, që të mos iu ikë çështjeve të tilla dhe t’i përballojë ato.”
Ndryshe, Kongresi amerikan dëgjpi dëshmi për luftën e Kosovës kur nga shtëpitë e tyre u dëbuan mbi 1 milion shqiptarë me qëllim të spastrimit etnik të Koosvës, mbi 13.000 persona u vranë duke përfshi këtu 1.230 fëmijë nën 18 vjeç, dhe sot pas shumë kërkimeve vazhdojnë të evidentohen si të zhdukur mbi 1.600 persona. Krimi më makabër dhe ende i padënuar si nga krerët serbë ashtu edhe drejtësia e Serbisë, përdhunimi i mbi 20.000 grave dhe burrave
