Viti 2020 i Hahn/ Kurti: Ata që premtuan liberalizimin e vizave në vitin 2018, të japin dorëheqje!

“Datën për liberalizim në vitin 2018 e kishin premtuar Ramush Haradinaj, Kadri Veseli dhe Dhurata Hoxha. Të tre këta duhet të japin dorëheqje.” Kështu u shpreh Kryetari i Lëvizjes Vetëvendosje, Albin Kurti pas datës së liberalizimit të vizave që dha Komisioneri për Fqinjësi Evropiane dhe Negociata për Zgjerim, Johannes Hahn, foli e tha: viti 2020!

“Për herë të parë një zyrtar i lartë i BE-së përmendi datë për liberalizimin e vizave në Kosovë. Komisioneri për Fqinjësi Evropiane dhe Negociata për Zgjerim, Johannes Hahn, foli e tha: viti 2020! Datat e mëhershme për liberalizim në vitin 2018, i kishin premtuar veçse Ramush Haradinaj, Kadri Veseli dhe Dhurata Hoxha. Të tre këta duhet të japin dorëheqje,” tha Albin Kurti përmes rrjetit social Facebook ndërsa përfundoi duke rikujtuar demarkacionin me Malin e Zi që ishte kusht për liberalizim dhe mënyra se si u bë:

“Po ashtu, ky pushtet ia ka borxh 8.200 hektarë shtetit tonë, të cilat ia dha Malit të Zi. E sa për Thaçin, ai mbase tashmë po negocion për liberalizim të vizave për Rusi. Me këta njerëz po na largohet Evropa e po na rrudhet Kosova.”