Viti 2024, Albin Kurti: Viti i pasaportës së Kosovës!
Me liberalizim të vizave, me njohje të pasaportës sonë edhe nga shtete mosnjohëse, po e afrojmë Kosovën, me Evropën dhe përtej, tha Kryeministri i Kosovës, Albin Kurti, duke e cilësuar vitin 2024 si vit të pasaportës së Kosovës!
“Ajo renditet më lart se kurdoherë në indekset ndërkombëtare të pasaportave, është në mesin e top 10 pasaportave të botës që kanë shënuar përmirësimin më të madh në dekadën e fundit, dhe me të sot mund të udhëtojmë në 38 vende të botës më shumë sesa në vitin e kaluar,” thekson Albin Kurti në reagimin e tij përmes rrjetit social Instagram duke e shoqëruar dhe me grafikun e vlerësimit të Indeksit të Pasaportave Henley ndërsa përfundon:
“Qytetarët tanë tashmë lëvizin lirshëm dhe të pa diskriminuar, pa pasur nevojë të presin para dyerve të ambasadave për të marrë vizë për udhëtime afatshkurtra në shumë shtete. Me liberalizim të vizave, me njohje të pasaportës sonë edhe nga shtete mosnjohëse, po e afrojmë Kosovën, me Evropën dhe përtej.”
