Viti i fundit i Kryeministrit Rama. S’mjafton!
nga Agim Popoci
Viti i ri i shtatë me Edi Ramën kryeministër ishte i paimagjinueshëm vetëm një vit pasi ai e mori pushtetin dhe njerëzit po prisnin vitin e ri 2015; Shumë prej tyre kishin përfunduar në rrugë për bindje politike dhe po rropateshin nëpër gjykata, biznesi ishte goditur pikërisht për këto bindje dhe shoqëria kishte filluar të bie në depresion.
Ditët, muajt, dhe vitet kaluan, ashtu si dhe vuajtjet mbi kurrizin shqiptar, protestat filluan madje dhe bashkëjetesa me terrorin shtetëror, situatë kjo që nuk është e panjohur kur komunistët janë në pushtet, dhe ndër shqiptarë filluan të diskutohen ditët e fundit të regjimit të Edi Ramës.
Me ndarjen territoriale kriminale që qëndisi Kryeministri Edi Rama me shpurrën e tij, një kokë e shëndoshë e ka vështirë ta imagjinoj një fitore të pastër elektorale kundër këtij regjimi gjithsesi zgjedhjet e vitit 2017 erdhën shumë shpejtë ashtu si dhe dështimet, dëshpërimet dhe rënia e iluzionit të rrëzimit të Ramës me votë.
Ndarjes territoriale iu shtua trafiku i drogës dhe pastrimi i parave që menaxhoheshin nga policia dhe ministri i saj, legalizimi me ose pa ligj i ndërtimeve pa leje që promovonte një karagjoz i katapultuar nga Edi Rama, blerja e gjithë atyre shtresave shoqërore që për kundërshtarë kanë komunistët dhe qeverisjen e tyre si dhe Reforma në Drejtësi që shkatërroi sistemin e drejtësisë.
Qershori i vitit 2019 shkaktoj një tronditje në mendësinë shqiptare, aty ku Edi Rama po shiste ujin, tokën dhe ajrin shqiptarë dhe tashmë po vendoste edhe pa zgjedhje, kush do të qeverisë me qytetet e këtij vendi që mbeti dhe pa gjykata.
Si do të largohet ky njeri që tashmë ka instaluar diktaturën, si mund të bëhet marrëveshje për zgjedhje të lira dhe të ndershme, dhe çfarë ndikimi mund të kenë ndërkombëtarët kur ata janë fajtorët kryesor që mbështetin instalimin e kësaj diktature në zemër të Evropës, ishin disa nga shqetësimet shqiptare që tashmë u bënë madhore pa dritë në fund të tunelit!
Edhe në këtë situatë, me Kod Zgjedhor të miratuar sipas horoskopit të Edi Ramës, me kryetar të ri të KQZ-së i cili ka shkatërruar sistemin zgjedhor që në vitin 2001 dhe ai nuk po e merr dot veten, kishte prej atyre shqiptarëve plotë optimizëm që iu futën numërimit të ditëve të regjimit i cili shiti gjithçka, dhe ajo që nuk ishte për tu shitur e shkatërroi.
Erdhi dhe Viti i Ri i shtatë me Edi Ramën kryeministër! Shumë prej viktimave të këtij regjimi ngushëllojnë veten se është viti i tij i fundit sepse me patjetër ai do të ikë më 25 Prill, kur priten të mbahen zgjedhjet parlamentare.
Sikur kjo gjëmë të bëhet edhe realitet, sikur Edi Rama të largohet me shpurën e tij, cila është e ardhmja e këtij vendi? Ose, a mjafton vetëm largimi i Edi Ramës, në një shtet ku administrata drejtohet nga Sigurimi i Shtetit ashtu si dhe të gjitha koncesionet pa dallim natyre dhe vlere që kanë?!
A mjafton largimi i Edi Ramës kur pasuritë e këtij vendi i janë dhënë miqve të tij, bashkëpunëtor të Sigurimit të Shtetit dhe trafikant droge?! Bota njeh pasuritë natyrore të një vendi ndërsa shqiptarët shohin vetëm pasuritë e Qet Kastratit ose Zamir Manes në tokën ku jetojnë; Dhe zhbërjen e këtyre shitjeve ose PPP-ve nuk kanë se si ta iamgjinojnë në një shtet ligjor?!
A mjafton largimi i Edi Ramës kur Reforma në Drejtësi sot është në duart e ca delirantëve që për urdhër kishin ta shkatërrojnë sistemin e drejtësisë, dhe shkatërruan edhe konsumatorët e këtij sistemi. A ka njeri që e zhbën krimin ndërkombëtar që është pagëzuar “Vetting” nuk dihet, por i tillë çfarë është duhet t’ia filloj që nga rojet, pastruesja, fotokopja, shoferët, e deri te gjyqtarët që shqiptarët kishin rastin ti shohin dhe nga relacionet e tyre tu humbet edhe oreksi me muaj të tërë.
A mjafton largimi i Edi Ramës kur sot policë në uniformë janë komunistët në uniformë që u pa se nuk e kanë për gjë edhe të vrasin kur nuk ke maskë! Kryeministri tha se vrasja e 25-vjeçarit Klodian Rasha ishte aksident, se çfarë do të thotë gjykata e reformuar pak rëndësi ka me ose pa Edi Ramën kryeministër!
A mjafton largimi i Edi Ramës kur kryetarët e të gjitha bashkive në Shqipëri janë emëruar nga Kryeministri Rama. Ato që rilindasit i quajnë zgjedhje, dhe u mbajtën më 30 Qershor 2019, nëse nuk zhbëhen pak rëndësi ka kush është në pushtet. Të gjithë ata që kanë pritshmëri të larta nga Gjykata Kushtetuese më mirë është ta grisin kalendarin e vitit 2021!
A mjafton largimi i Edi Ramës kur nuk largohet edhe Gjykata Kushtetuese e cila u bllokua për 3 vjet dhe u zgjodh për tre ditë nga dyshja kriminale Rama-Meta. Pandemia ndonëse globale tregoi se ky shtet me kriminelë komunistë nuk bëhet. Mund ta bëjnë shtet të Akteve Normative por në asnjë mënyrë shtet ku jetojnë njerëzit! Në këtë pikë, pavarësisht vendimeve që janë dhënë nëpër botë për ligjet abuzive në emër të pandemisë, Gjykata Kushtetuese do të dëshmojë se kjo gjykatë nuk është bërë për ata që e kundërshtojnë regjimin e Edi Ramës!
Ky Vit i Ri, mund të jetë dhe viti i fundit i Edi Ramës si Kryeministër, por vetëm largimi i tij jo domsodoshmërisht mund të sjellë vitin e ndryshimit!
A kanë kohë shqiptarët për të humbur apo do të detyrohen të harrojnë krimet e këtij regjimi ashtu siç i detyruan ti harrojnë ato të regjimit komunist të Enver Hoxhës, kjo nuk varet nga Edi Rama!
Për 30 vjet, nuk panë internime, por burgjet ashtu si e kaluara e tyre, bashkëjetuan me shqiptarët dhe këtë e kishte në dorë Edi Rama dhe të ngjashmit. Dhe kjo nuk i falet!
Me largimin e Edi Ramës, shqiptarët duhet ta kenë të qartë se çfarë është pasuria e shtetit shqiptar dhe cila është ajo pasuri e patjetërsueshme që nuk do ti preket kurrë në të ardhmen pavarësisht se kush do të jetë në pushtet.
Me largimin e Edi Ramës, shqiptarët duhet ta kenë të qartë se në këtë vend më nuk do të jetojnë të përndjekurë politikë. Të gjithë ata që kishin privilegjin të mos vuajnë nga regjimi i Enver Hoxhës dhe jo vetëm, duhet ta dinë një herë e mirë se në këtë vend kishte shqiptarë që lindën në vendin dhe kohën e gabuar, dhe kafsha komuniste Enver Hoxha i keqtrajtoi për bindje politike. Dhe, kaluan 30 vjet e ata vazhdojnë të keqtrajtohen si të përndjekurë politikë sa herë socialistët janë në pushtet.
Me largimin e Edi Ramës shqiptarët duhet ta kenë të qartë se ëndrrat e Enver Hoxhës, si Mini Shengeni, kanë përfudnuar në sirtarët e krimeve të regjimit komunist dhe s’kanë pse të bashkëjetojnë me ne. Dhe, gjithashtu, kësaj race të poshtër askush mos të pretendoj që ti shuaj dashurinë për Serbinë. Rruga e mbarë ju qoftë, le ta bashkojnë zemrën e tyre me tokën serbe!
Ndryshe, vetëm me largimin e Edi Ramës, shqiptarët më shumë kanë mundësi të shohin fillimin e tranzicionit dytë se sa fillimin e një ndryshimi të ndritur.
Që të mos ndodhë kjo, shqiptarët nuk duhet të ankohen por duhet të zgjidhin të gjitha çështjet nga e kaluara, ti hapin portën, jo tranzicionit por jetës së re, ajo e cila iu ndërpre nga komunistët në vitin 1945.
Filozofi i njohur britanik, Thomas Hobbes, e thotë shumë qartë:
“Për vitin e ri harrojmë se çfarë ka ndodhur dhe presim se çfarë do të ndodhë. Por e kaluara është gjithmonë me ne. Bën për pjekje të ndërhyjë në të sotmen.”
