Vitin e mbylli siç e nisi, duke penguar drejtësinë, Rama: SPAK hyri në territorin e Ekzekutivit!

Ndonëse konferencë ne fundvitit për media, Kryeministri Edi Rama e nisi me një lajm të mirë, vazhdimi ishte tradicional, duke përbuzur opozitën dhe duke mbrojtë ministrat e tij edhe pse Prokuroria e Posaçme thotë se e kanë shkelur ligjin.

Për rastin e të pandehurës Zv/Kryeministre Belinda Balluku edhe sot nuk lëvizi nga istikami i mbrojtjes, përsëriti arsyet pse e ankimoi në Kushtetuese pezullimin e Ballukut, lidhur me qëndrimin e tij tha se do ta mbajë në Parlament dhe e gjitha kjo dhe arsyeja pse nuk tërhiqet është se SPAK hyri në territorin e Ekzekutivit brutalisht!

Opozitën nuk e ka në radar si gjithmonë, dhe nuk e do as në të ardhmen në Parlament, por, konfirmoi se ku do ti lejoi hapësirë, poshtë dritares së Zyrës së tij!

“Lajm i mirë”, sipas Edi Ramës, ishte renditja e Shqipërisë në pozicion inkurajues nga Instituti amerikan “Cato”, për lirinë ekonomike, ku përveç gëzimit të tij që shprehu, e gjitha nuk kishte lidhje me realitetin.

“Do ta nis konferencën me një lajm të mirë. Instituti amerikan “Cato”, që publikon edhe atë që quhet indeksi i indekseve lidhur me lirinë njerëzore dhe ekonomike.  Shqipëria ka një pozicion inkurajues. Është renditur e 39 në klasifikim të përgjithshëm dhe e 9 në gjithë pjesën e Europës Lindore, kështu e kanë të ndarë raportin.

Sa i përket lirisë ekonomike, renditet para Poloninë, apo Hungarisë. Po ashtu dhe për lirinë njerëzore. Për lirinë ekonomike është në pozicion më të mirë. Është pasqyrë pozitive. Institutet nuk është se mund të japin lajme të mira shpesh, por përpiqem që të prek pak disa fusha kryesore, duke nisur nga ekonomia. Jemi në një vit ende që në aspektin e saj, është nga më të mirët. Parashikohet që të mbyllet me rritje ekonomike 3.9%, rritje kuptimplotë dhe mbase më e larta në të gjithë këtë pellg ku gjendemi ne në kontinentin tonë,” tha Edi Rama dhe e gjithë pjesa tjetër e konferencës së fundvitit prezantoi një Edi Ramë të pandryshuar që nga viti 1998, mohon Ligjin që kundërshton idetë e tij, siç ndodhi me vendimin e GJKKO për Belinda Ballukun që akuzohet se ka vjedhë.

“Rasti vjen në Parlament, dhe rasti para se të shkonte në Parlament, u fut në territorin e pushtetit ekzekutiv brutalisht, enjë kërkesë skandaloze për pezullim. Tani mund ta them me plot gojën. E kemi kërkuar gjithandej nëse ka një të dytë. Nuk ka. Nuk ka ndodhur as në Europë e në asnjë vend të botës. Që të mblidhet një gjykatës dhe një prokuror e të thotë; kështu kemi vendosur ne. Ne mbajtëm një qëndrim.

Edhe në Parlament do të mbajmë një qëndrim. Shqipëria është vendi më skandaloz i Këshillit të Komunitetit të Europës, nuk e them unë, por shifrat. Jemi në diferencë nga të tjerët, për burgosjen e njerëzve pa gjyq.

Numri i njerëzve që gjenden sot në Shqipëri pa qenë të dënuar, të cilët në kuptimin e Kushtetueses dhe të konventave europiane, është më i madh se numri i atyre që janë të dënuar. E dini se sa janë këta? Nuk e dini! Tenxheret fjalën burg, vjedhje, hajdut, e kanë si kripën, piperin, dhe salcën në çdo lloj gjelle.”

Shqipërinë e tij e sheh në BE, por pa opozitë, nuk dihet se kush ja ka projektuar këtë rrugëtim në tru, por,meqë krimineli Enver Hoxha ka ngordhë, një ide të tillë mund t’ja ketë rrëfyer, vetëm një britanik si Tony Blair, që askush nuk e do jo vetëm në BE por as në Britaninë e Madhe.

“Opozita s’po bën dot punën e vet. E vërteta është ndryshe, SPAK nuk është opozita e qeverisë. I kemi ndarë punët prej shumë vitesh. Unë në zyrën time në PS dhe ne qeveri, dhe të tjerët poshtë penxheres sime në rrugë. I kemi ndarë punët. Shqipëria është dinjitoze në pjesën e lirive. Ca problemi kam unë me këtë.”