Viziton Sahit Dollapin/ Basha nga Spitali i Traumës: Në orën 11:00 të gjithë para Drejtorisë së Policisë!

Kryetari i Partisë Demokratike, Lulzim Basha, para protestës së orës 11:00 te Drejtoria e Policisë, ka vizituar në Spitalin e Traumës, Sekretarin Organizativ të PD, Sahit Dollapi, ku povazhdon të marrë mjekimet e nevojshme pas dhunës së ushtruar nga policia

“Mjekët po e mbajnë nën kontroll, pasi ka marrë shumë dëmtime nga arrestimi i policisë”.

Pas ultimatumit të liderit të opozitës, policia nuk ka kërkuar arrestimin e Sahit Dollapit, i dhunuar mënyrë barbare dhe i arrestuar në mënyrë të paligjshme mbrëmjen e së shtunës nga policia.

Ndryshe, lideri i opozitës, Lulzim Basha, edhe gjatë orëve të para të mëngjesit të sotëm ka qenë në spitalin e Traumës për të vizituar Sekretarin organizativ të PD, Sahit Dollapi, pas dhunës së ushtruar nga policia. Pasi konstatoi gjendjen e Sahit Dollapit ai u shpreh:

“Ka nxjerrë shpatullën, ka plagosje në këmbë. Ka qenë duke tërhequr një gazetare që i kishte rënë të fikët kur ju vërsulën. Arben Baro është urdhëruesi i fundit, do të shkojmë deri tek urdhëruesi i parë. Do ta paguajnë shumë shtrenjtë. Sahiti ka qenë gjithmonë me duart lart para policëve për t’i mbrojtur.

Nuk ka pasur arsye tjetër, vetëm me urdhër politikë. Ka afro 100 të tjerë të shoqëruar dhe të dhunuar, në 11:00 para Drejtorisë së Policisë.”