Vjedhja e Prokurorisë/ Policia e Durrësit zbardh emrat e personave të arrestuar…
Policia e Durrësit ka bërë të mundur arrestimin e personave të dyshuar për vjedhjen e serverave në Durrës. Sipas një njoftimi zyrtar të policisë, janë arrestuar Artur Isa, 49 vjeç dhe Besnik Bushi, 54 vjeç, si dhe është ndaluar roja e objektit që ishte me detyrë në kohën kur ndodhi vjedhja.
Njoftimi i policisë
Më datë 24.05.2018 nga ana e Specialistëve për Krimet në Komisariatin e Policisë Durrës u bë ekzekutimi i urdhrave të ndalimit të Prokurorisë për shtetasit
Nias Lena 56 vjeç, banues në Durrës, roje private, i caktuar me shërbim në orarin kur janë vjedhur zyrat e Prokurorisë; •
Artur Isa 49 vjeç, banues në Sukth i Ri Durrës, me precedentë penalë të mëparshëm. •
Besnik Bushi 54 vjeç, banues në Durrrës, me precedentë penalë të mëparshëm.
Dy shtetasit e mësipërm A.Isa dhe B.Bushi në bashkëpunim me njëri-tjetrin dyshohet se janë autorë të vjedhjes së zyrave të Prokurorisë Durrës. Ata dyshohet se kanë hyrë në zyrat e prokurorisë dhe kanë vjedhur, dëmtuar dokumentet dhe kanë ndërhyrë në sistemin kompjuterik.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale: •”Shpërdorimi i detyrës” në ngarkim të shtetasit Nias Lena parashikuar në nenin 248 të Kodit Penal. • ” Ndërhyrja në sistemet kompjuterike” dhe “Zhdukja ose humbja e fashikullit” në bashkëpunim në ngarkim të shtetasve A.Isa dhe B.Bushi parashikuar në nenet 293/c/2 dhe 313/a , 25 të Kodit Penal.
