Vjosa Osmani: Në krye të SHBA, miku i Kosovës!

Duke uruar pas betimit presidentin amerikan, U.D. Presidentja e Kosovës, Vjosa Osmani, vlerëson se në krye të shtetit tonë aleat, Shteteve të Bashkuara, prej sot është miku i Kosovës, presidenti Joe Biden.

“Në cilësinë e u.d. Presidentes, i uroj mbarësi në postin e presidentit të SHBA-ve, me besimin e fuqishëm se amerikanët kanë bërë zgjedhjen e duhur dhe se demokracia e këtij shteti do të vazhdojë të jetë referencë për gjithë globin,” thekson Vjosa Osmani duke shtuar se Amerika është sinonim i demokracisë dhe promovimit të vlerave.

Raportet e shkëlqyeshme të Kosovës me SHBA, janë jo vetëm miqësore, por ekzistenciale, shprehet U.D. Presidentja e Kosovës, Vjosa Osmani, në urimin e saj duke përfunduar:

Zoti e bekoftë miqësinë e perhershme me Amerikën!