Vjosa Osmani: Politika nuk do të ketë hise në biznese!
Kandidatja e LDK-së për kryeministre, Vjosa Osmani, sot gjatë vizitës në parkun e Bizneseve në Drenas u zotua se nuk do të lejojnë që politika të ketë hise në biznese.
Në programin qeverisës, tha Vjosa Osmani, do t’i jepet hapësirë bizneseve private, duke u krijuar kushte të mira për të bërë biznes.
Kandidatja për kryeministre mes tjerash tha se nesër do të jetë gati një draft sa i përket listës së deputetëve, dhe se deri me datën 6 shtator do të jetë e kompletuar, në ditën kur dhe përfundon afati për dorëzimin e listave në KQZ.
