Vjosa Osmani, subvencione për prodhuesit vendor

Kandidatja e Lidhjes Demokratike të Kosovës për kryeministre, Vjosa Osmani, sot gjatë vizitës në Kompaninë e përpunimit të qumështit “Eurolona”, foli për masat që do t’i merr për t’ia lehtësuar punën këtyre kompanive ndërsa bëri thirrje që sa më shumë të konsumohen produktet vendore.

“Ajo çka duhet të bëjmë është që shteti i Kosovës të përkrah më shumë në mënyrë që prodhimet vendore të jetë ato që konsumojnë qytetarët tanë. Besoj fuqishëm që shteti edhe institucionet vendore duhet të blejnë vetëm prodhime vendore. Ne do të ndërmarrim masa duke hequr akcizën në naftë edhe subvencione të shumta,” tha Vjosa Osmani duke shtuar se njëra prej çështjeve që do të angazhohet është siguria në ushqim.

Ndërsa pronari i kompanisë së përpunimit të qumështit “Eurolona”, Milazim Berisha, u shpreh falënderues për këtë vizitë, teksa tha se pret që të largohen gjitha barrierat që i kanë.