VKM kriminale, PD: Edi Rama i kalon truallin e Teatrit Kombëtar, Bashkisë Tiranë

Në mesin e pandemisë kur shqiptarët janë futur fundjavës së radhës nën shtetrrethim, qeveria ka miratuar një VKM kriminale. Denoncimin e bënë Partia Demokratike përmes Ish-Deputetes Jorida Tabaku duke sjell Vendimin e Këshillit të Ministrave të publikuar në Fletoren Zyrtare me të cilin Kryeministri Edi Rama i kalon truallin e Teatrit Kombëtar Erion Veliajt.

“Praktikisht sot ai po e trajton pasurinë tonë kulturore si plaçkë lufte. Në vendim thuhet që do të ndërtohet një godinë e re duke përjashtuar mundësinë e rehabilitimit, verbëria prej hajduti e shtyn qeverinë dhe bashkinë të kalojnë në këtë fazë,” thekson Jorida Tabaku duke shtuar se kjo VKM e cila fsheh një projekt të ulët dhe kriminal, bie në kundërshtim edhe me vendimin e Europa Nostra.

Tanimë kokëfortësia e qeverisë qendrore dhe lokale, thekson Ish-Deputetja e Partisë Demokratike, Jorida Tabaku, do të shembë me përdhunë çdo objekt historik dhe kulturor ndërsa përfundon:

“As një ditë pas një vjetorit të vendosjes së shkronjave në të, marifetçinjtë duan ta prishin. Por godina e Teatrit do të qendrojë pasi aty nuk është më vetëm shpirti i një Tirane që lëngon por edhe zemra e një proteste të gjatë dhe të drejtë.”

Denoncimi:

Në mesin e pandemisë kur shqiptarët janë futur fundjavës së radhës nën shtetrrethim, qeveria ka miratuar një VKM kriminale. Në të kryeministri Rama i kalon truallin e Teatrit Kombëtar as më shumë e as më pak se sa Veliajt.

Praktikisht sot ai po e trajton pasurinë tonë kulturore si plaçkë lufte. Ne vendim thuhet qe do te ndertohet nje godine e re duke perjashtuar mundesine e rehabilititmit, verbëria prej hajduti e shtyn qeverinë dhe bashkinë të kalojnë në këtë fazë.

Kjo VKM e cila fsheh një projekt të ulët dhe kriminal, bie në kundërshtim edhe me vendimin e Europa Nostra. Tanimë kokëfortësia e qeverisë qendrore dhe lokale do të shembë me përdhunë çdo objekt historik dhe kulturor.

As një ditë pas një vjetorit të vendosjes së shkronjave në të, marifetçinjtë duan ta prishin. Por godina e Teatrit do të qendrojë pasi aty nuk është më vetëm shpirti i një Tirane që lëngon por edhe zemra e një proteste të gjatë dhe të drejtë.