Vladimir Putin shumë i shqetësuar, po humb ndikimin në Ballkan!

Kur miku më i ngushtë i rusëve në Evropë, Greqia, dëboii muajin e kaluar dy diplomatë rus për shkak të përpjekjeve të shkatërrimit të Marrëveshjes me Maqedoninë për emrin, u zbulua edhe një nervozizëm në rritje i Moskës për shkak të humbjes së ndikimit të Presidentit Vladimir Putin në njërin prej rajoneve më strategjike.

Me zgjerimin e Bashkimit Evropian dhe Aleancës Veriatlantike në Ballkan, Rusia po spostohet nga rajoni gjithnjë e më shumë. Moska do ta ketë shumë të vështirë që ta rikthej këtë tendencë, theksojnë njohësit e politikës së Ballkanit për “Bloomberg”.

“Antëarësimi në NATO është keq për neve,” tha Ish-shefi i shërbimit të huaj sekret rus, Leonid Reshetnikov, i cili gjithashtu ka shërbyer si agjent në Greqi dhe disa vende tjera në Ballkan. Këtu Rusia mund të bëjë shumë pak, tha ai duke shtuar se Perëndimi po pastron këtë territor nga “ndikimi i kundërshtarëve”.

Lidhjet e forta historike dhe kulturore të Rusisë dhe Ballkanit, kanë bërë që rajoni të jetë i afërt me disponimet proruse e që Moskës i kanë garantuar marrëdhënie të ngrohta me shumicën e pjesës tjetër të Evropës.

Mirëpo tashmë shtetet ballkanike po i kthehen më shumë Perëndimit, shkruan “Bloomberg”. Madje edhe në pikun e përçarjes brenda BE dhe çështjet që i shtroi aleatëve të NATO-s, Presidenti i Shteteve të Bashkuara, Donald Trump, blloqet tregojnë se kanë ndikim të fuqishëm në rajon me premtimet e tyre të rritjes së tregtisë dhe standardit jetësor, forcimin e sundimit të ligjit dhe sigurisë.

Zvogëlimi i ndikimit të Rusisë paraqet goditjen historike për Putinin, edhe pse për shkak të politikës së saj ndaj Sirisë dhe ndërhyrjes në politikën amerikane, duket sikur po rritet fuqia e saj në botë.

“Rusia është mjaft pasive. I duhet plani i veprimit, tha mendimtari nacionalist dhe ish-këshilltari i Kremlinit zyrtar i cili promovon vizionin e dominimit rus nëpër Evropë dhe Euroazi.

Me ryshfet kundër marrëveshjes greko-maqedone dhe ndryshimi i Serbisë

Përpjekjet nganjëherë të ashpra të Rusisë për të frenuar ndikimin në rritje të Perëndimit kanë provokuar alarm, sidomos pas vitit 2014 kur u aneksua Krimea dhe mbështeti rebelët që luftojnë në lindje të Ukrainës.

Aktualisht, frika e Moskës është se mund të mbetet pa partnerë në rajon.

Greqia ka dëbuar diplomatët rus pasi që i akuzoi se u kanë dhënë ryshfet zyrtarëve grekë në përpjekje për të bllokuar marrëveshjen e cila zgjidhë kontestin rreth emrit të Maqedonisë dhe i mundëson asaj fillimin e negociatave për anëtarësim. Ministria ruse e Punëve të Jashtme ka akuzuar Athinën se i është bashkuar “provokimeve të pista”.

Ndërkohë Zv/presidenti i SHBA, Mike Pence në një bisedë telefonike me kryeministrat Tsipras dhe Zaev më 5 korrik theksoi se zbatimi i suksesshëm   i marrëveshjes do të hapë derën për integrimin evropian të Maqedonisë. Ndërsa Ministri i Jashtëm gjerman Heiko Maas tha më 30 korrik se është në interes strategjik të BE-së të zgjerohet në Ballkanin Perëndimor

Shqipëria dhe Kroacia janë anëtare të NATO-s, ndërsa Bosnja e Hercegovina thonë se dëshiron të bashkohen, edhe pse serbët e Bosnjës me lidhjet me Rusinë kërcënojnë për të bllokuar çdo përpjekje.

Edhe aleati më i afërt rajonal i Rusisë, Serbia, i është bashkuar Pogramit të bashkëpunimit të Partneritetit për Paqe të NATO-s. Ndërkohë, BE ka ofruar perspektivën e anëtarësimit sa më të shpejt që në vitin 2025 për Serbinë dhe pesë shtetet e tjera të Ballkanit.

“Kjo do të jetë një goditje shumë e madhe për Rusinë, nëse Serbia, të cilën forcat e NATO-s bombarduan në vitin 1999, gjatë krizës së Kosovës, përfundimisht i bashkohet Aleancës,” tha eksperti për Ballkanin nga Instituti rus për Studime Strategjike, i cili këshillon Kremlinin, Nikita Bondarev duke shtuar se Rusia duhet bëhet pothuajse miqësore në Evropën juglindore