“Vlerësimi i Edi Ramës”/ Reagimi, Alibeaj: Policia që deshi për të lartësuar Mafian!
Pas vlerësimit që i bëri policisë kryeministri Edi Rama në 107 vjetorin e Policisë së Shtetit, ka reaguar Partia Demokratike përmes Ish-Deputetit Enkelejd Alibeaj duke theksuar se vlerësimi i vërtetë për policinë që deshi dhe që e shpartalloi dora vetë ai, për të lartësuar krimin dhe Mafian, është se e ka shndërruar policinë thjesht në një shërbim funerali që veçse mbledh kufomat e krimit!
“Kryeministri nuk paska gjetur guxim të përballet me 57 ngjarjet me vdekje dhe 63 viktimat e 2019; nuk i paskan ardhur ndër mend që 128 drejtues të “Policisë që deshi” iu përfshinë në kanabizimin e vendit dhe 3 drejtuesit e lartë të tij në Vlorë i ka ende në arrati,” konstaton Enkelejd Alibeaj në reagimin e tij përmes rrjetit social Facebook duke shtuar se nuk kishte asnjë fjalë as për orët shtesë të papaguara dhe kushtet mizerabël; asnjë grimasë për viktimat e krimit të këtij fillimviti.
“Vlerësimi i vërtetë për policinë që deshi dhe që e shpartalloi dora vetë ai, për të lartësuar krimin dhe Mafian, është se e ka shndërruar policinë thjesht në një shërbim funerali që veçse mbledh kufomat e krimit,” thekson në reagimin e tij Ish-Deputeti i Partisë Demokratike, Enkelejd Alibeaj duke përfunduar:
“Në fakt përse i duhet Policia, përderisa për të mjafton që kriminelët “hëngshin kokat e veta”?!
Reagimi i plotë:
Rama, ne 107 vjetorin e Policise se Shtetit qenka krahasuar me Policine e Ismail Qemalit!
E megjithe kete krahasim te mundimshem, kryeministri nuk paska gjetur guxim te perballet me 57 ngjarjet me vdekje dhe 63 viktimat e 2019;
nuk i paskan ardhur nder mend qe 128 drejtues te “Policise qe deshi” i’u perfshine ne kanabizimin e vendit; se 3 drejtuesit e larte te tij ne Vlore i ka ende ne arrati; asnje fjale per oret shtese te papaguara dhe kushtet mizerabel; asnje grimase per viktimat e krimit te ketij fillimviti.
Vleresimi i vertete per policine qe deshi dhe qe e shpartalloi dora vete ai, per te lartesuar krimin dhe Mafian, eshte se e ka shnderruar policine thjesht ne nje sherbim funerali qe vecse mbledh kufomat e krimit!
E ne fakt perse i duhet Policia, perderisa per te mjafton qe kriminelet “hengshin kokat e veta”?!
