Vlora 5 ditë pa ujë, qytetarët në protestë: Ujësjellësi i Lubisë!

Pas 5 ditësh ku qytetarët e Vlorës vuajnë mungesën e ujit të pijshëm, sot e kuptuan se do të kalojnë edhe 5 ditë dhe nuk dihet nëse do të kenë ujë, dhe përfunduan para bashkisë në protestë.

Qytetarët u revoltuan edhe më shumë kur për mungesën e ujit pushtetarët aktual akuzuan Saliun për një tub të vendosur në vitin 2009 ndërkohë ishte vetë Zv/Kryeministrja Belinda Balluku që para fillimit të sezonit turistik foli për një skemë të korruptuar që e la Vlorën pa ujë, përkatësisht Grupin e Strukturuar Kriminal, arsye kjo për të cilën edhe protestuesit mbanin pankartën kryesore: “Ujësjellësi i Lubisë!”

Ndërsa një tjetër qytetare e quajti ministren “kuçedra”.

“Janë tenderua miliona euro. E kanë katandisur Vlorën në këtë derexhe. Dje donin të bënin mbrëmje gala. Zonja e 7 % të dalë dhe të japë llogari për 26 vitet e keq menaxhimit. Sot Vlora nuk është më Vlorë, dhe sot turpi ka një emër bashkia Vlorë. Ne jemi vlonjatë dhe nuk jemi talebanë”, tha nje tjeter qytetar.

“I vraftë Zoti, jemi në prag të një epidemie”, është shprehur një tjetër qytetar.

Me bidonë uji në duar dhe letra higjienike dhe duke goditur dyert e institucionit, protestuesit u revoltuan edhe më shumë kur kërkesa e tyre për një takim me kryetaren e Bashkisë Vlorë, Brunilda Mersini, kishte përgjigje negative.

“Duam ujë o maskarenj o të degjeneruar, pa ujë nuk ka jetë. Kemi 5 ditë pa ujë. Po zihemi me fëmijët. Duan të lahen. Po vjen 2026 dhe ne jemi pa ujë, t’u vijë turp makarenj. Ju kemi zgjedhur me vota. I paçit haram votat tona. Ngrihuni si në 1997,” u shprehen qytetarët e indinjuar duke vazhduar rrugën drejt Prefekturës ku dhe bllokuan rrugën drejt Spitalit.

Policia e Shtetit këmba këmbës ka përcjellur protesuesit të cilët kanë ndaluar para kafeneve përplotë me qytetarë që refuzojnë të protestojnë kundër Edi Ramës edhe pse i la pa ujë fare, ndone janë po këta qytetarë që i ka lënë edhe pa bukë!