Vlorë, Prodhonte dhe tregtonte kanabis çokollatë, arrestohet…

Një sasi droge çokollatë është sekuestruar gjatë natës së djeshme në Vlorë.

Policia bënë të ditur se ka prangosur një të ri, të cilit i është gjetur edhe një armë pa leje.

Burime zyrtare nga Policia e Vlorës, theksojnë se pas informacioneve në rrugë operative është vënë në pranga 33-vjeçari Ervin R., nga Grabiani i Vlorës.

Njoftimi i Policisë:

Posedonte në banesë armë gjahu pa leje, arrestohet në flagrancë nga Policia.

Strukturat Policore të Seksionit për Hetimin e Trafiqeve dhe Narkotikëve në Drejtorinë Vendore të Policisë Vlorë, në bazë të disa informacioneve të siguruara në rrugë operative kanë zhvilluar dhe finalizuar operacionin e koduar ‘Fast’.

Si rezultat u arrestua në flagrancë shtetasi:

Ervin R., 33 vjeç, banues në Grabian, Vlorë.

Shtetasit të mësipërm iu gjet dhe iu sekuestrua në banesën e tij në fshatin Grabian, 1 armë gjahu pa leje dhe 245 gramë kanabis në formë çokollate.

Materialet hetimore iu referuan Prokurorisë së Rrethit Gjyqësor Vlorë, për veprat penale ‘Prodhimi, mbajtja pa leje e armëve të gjuetisë dhe sportive’, dhe ‘Prodhim, shitja e narkotikëve’, parashikuar nga nenet 280 dhe 283/1 të Kodit Penal.