Vokshi: Partneriteti Rama-Fusha për Teatrin, ja sa fitime ndajnë…

Deputetja demokrate Albana Vokshi, kryetare e Komisionit parlamentar për Median, ka akuzuar kryebashkiakun e Tiranës, Erion Veliajn, se kishte ardhur në komision me urdhër të kryeministrit Edi Rama për t’i mbyllur gojën opozitës, për të mos lejuar transparencën e korrupsionit që po ndodh në qendër të Tiranës me shembjen e Teatrit Kombëtar.

“Vendosëm të thërrasim kryetarin e bashkisë, që të jepte informacion për rolin e tij dhe të bashkisë si kryetar i grupit të negocimit. Negocim i thënçdin, sepse është i mbaruar dhe dihen edhe fitime, sa merr njeri e sa merr tjetri; vetëm sesa marrin nuk dihen. Por dihet është partneritet Rama-Fusha”, tha Vokshi.

Ajo sqaroi dhe hapat që do ndiqen lidhur me kaosin që shkaktoi sot kryebashkiaku Erion Veliaj: Një kallëzim penal për kreun e Gardës, që nuk ndërhyri për të mbrojtur deputetët dhe një informim të instutucioneve e organizmave europiane.

“Projektligji për Teatrin është një projektligj antikushtetues. Ne jemi shumë të shqetësuar për këtë projektligj të propozuar nga Edi Rama ndaj vendosëm ta mbanim sot dëgjesën me Ministren e Kulturës.

E kanë shkruar edhe si me këmbët e pulës, e aty i jepej një rol edhe kryetarit të Bashkisë, sipas termave të kompanisë Fusha e cila përcakton dhe kushtet e kontratës, ndaj vendosëm të thërrasim Kryetarin e Bashkisë që të jepte informacion për rolin e tij dhe të bashkisë si kryetar i grupit të negocimit. Negocim i thënçin, sepse ai është i mbaruar dhe dihen edhe fitimet, sa merr njeri e sa merr tjetri, vetëm sesa marrin nuk dihen. Por dihet është partneritet Rama-Fusha.

Përderisa ishte caktuar se ministrja duhej të dëgjohej si dhe kryebashkiaku i Tiranës, me urdhër të Ramës sollën një kërkesë mbi kërkesë dhe tentativa e sotme ishte që t’i mbyllej goja opozitës. Roli sot i ishte caktuar Erion Veliajt të vinte i paftuar; prania e tij ishte e paligjshme dhe ai kërkonte që të uzurponte mbledhjen e komisionit e të mos lejonte transparencën për tokën që do t’ia japin privatit për përvetësime marramendase.

Është për të ardhur keq që drejtori i Gardës nuk ndërhyri dhe t’i jepte urdhër Gardës për ta nxjerrë jashtë Erion Veliajn. Ai ta harrojë se mund të bëjë dhunuesin këtu, arrogantin.
Ndaj ne do të bëjmë një kallëzim penal pse Garda nuk ndërhyri të mbronte deputetët dhe do t’ia bëjmë të ditur atë që ndodhi sot të gjitha institucioneve të Bashkimit Europian.”