“VOL-VO 4”/ 8 nga 34 të arrestuarit u liruan. Në burg edhe dy ish-deputetët e PS…

Pas një seance maratonë në Gjykatën e Krimeve të Rënda, ku u dhanë masat për personat e arrestuar gjatë aksionit policor “VOL-VO 4”, 8 nga 34 të arrestuarit e mega operacionit u liruan.

Mimoza Ndoka dhe Marjeta Përskura dhe 6 të tjerë janë lenë në masën arrest shtëpie. Ndërkohë nga 26 të arrestuarit që u lanë në burg janë edhe dy ish-deputetët socialistë, Arben Ndoka dhe  Arben Çuko.

Në seancën që zgjati 10 orë u shënuan edhe momente tensionesh. Këtë e konfirmoi pas seancës edhe avokati i ish-deputetëve socialistë, Arben Ndoka dhe Arben Çuko, Maks Haxhia.

“Aty u hodhën akuza edhe në revoltim e sipër edhe ide të tilla se,
‘politika është në mes’, ‘ne jemi kurbanët e integrimit’”, tha avokati Haxhia i bindur se janë montuar fakte dhe opinione që s’kanë të bëjnë me të vërtetën, dhe ato që Prokuroria i ka servirur mediave janë skandaloze.

“Përgjigjet flasin për periudha në 5-6 muaj, por ata i paraqitën se kanë ndodhur 10 ditë”, tha Maks Haxhia i cili bvri të ditur se kishte kërkuar që të lejohen mediat të marrin pjesë në seancë por kvrkesa e tij nuk ishte përfillur.

“Aty janë futur 44 veta në sallë dhe imagjinoni si shkoi procesi. Ajo që ishte më qesharakja na bëjnë ne me dije se është i montuar nga organi i prokurorisë. Gjyqtari i çështjes tha që nuk e dija që Mimoza Ndoka ishte me fëmijë të vogël. Akuzat janë skandaloze, lidhen persona që s’kanë lidhje me njëri-tjetrin. Dosja nuk është studiuar. Ka 13 fashikuj, s’mund të merret vendimi për 1 ditë. Unë isha avokati i dy ish-deputetëve socialistë. Janë montuar fakte që s’kanë të bëjnë me të vërtetën dhe përgjimet. Po ta shikoni dhe vetë procesin që është i montuar nga organi i prokurorisë. Po të shihnin bisedat telefonike, Cuko ka thënë që i dënuari nuk do lëvizë sepse mund të bëhen pisllëqe,” u shpreh avokati Haxhia duke shtuar se në 44 vjet përvojë në drejtësi nuk kishte par seancë më skandaloze.

Masat e sigurisë

Detyrim paraqitje

Mimoza Ndoka
Marjeta Perskura

Arrest shtëpie

Bledar Koci,
Lule Zeneli,
Luigj Paloka,
Kol Lleshi,
Zef Ndoka,
Vasil Nika,
Genc Zeneli
Vlash Gazulli

Arres në burg

Hajri Seferi
Jasin Kala (alias Jasin Avdyli)
Shkëlqim Avdyli
Astrit Avdyli ( alias Sulejmani)
Saimir Gjepali
Altin Avdyli
Jasin Avdyli
Fatos Llaftiu
Denis Llaftiu
Esat Mehmeti
Saimir Sulejmani
Elis Guri
Ilirjan Prifti
Petro Kuci ( alias Abedin Kuci )
Ardit Gjyriqi
Elton Shehaj
Armand Spiro
Arben Cuko
Artur Balla
Arben Ndoka
Gjevi Ndoka ( alias Xhevair)
Bledi Ndokaj
Paulin Simoni
Zef Lazr

Ndryshe, Mega Operacioni i koduar “VOL-VO 4”, u shtri në 12 qytete nga Hasi deri në Sarandë ku janë goditur anëtarë nga 4 grupe të skeduara kriminale, në kuadër të operacionit ”Forca e Ligjit”.

Në datë 18 tetor në mëngjes u ushtrua kontroll në banesën e shtetasit Mustaf Shuti në fshatin Brenogë, Has, ku u gjetën prekursorë për prodhimin e lëndës narkotike.

Të arrestuar në flagrancë janë 5 shtetas për veprat penale “Prodhimi dhe shitja e narkotikëve”, “Trafikim i narkotikëve”, “Prodhimi dhe fabrikimi i lëndëve narkotike”, në bashkëpunim, në formën e posaçme të grupit të strukturuar kriminal dhe organizatë kriminale:

1. Vehbi Berushi, 57 vjeç
2. Flamur Çela, 48 vjeç
3. Xhevit Shuti, 48 vjeç
4. Mustaf Shuti, 76 vjeç
5. Anila Shuti, 42 vjeç

U shpallën në kërkim 4 persona: 2 shtetas turq, 1 kosovar dhe 1
shqiptar.

Të arrestuar për veprat penale ”Prodhimi dhe shitja e narkotikëve”,
”Trafikim i narkotikëve”, në bashkëpunim në formën e posaçme të
grupit të strukturuar kriminal dhe organizatë kriminale, si dhe pastrim i produkteve të veprës penale janë 18 persona:

1. Jasin Kala, alias Jasin Avdyli, me pseudonimin“Cine”, nga Shijaku;
2. Shkëlqim Avdyli, me pseudonimin“Kiçi”, nga Shijaku;
3. Denis Llaftiu, nga Shijaku;
4. Fatos Llaftiu, nga Shijaku;
5. Hajri Seferi, nga Shijaku;
6. Petro Kuci, alias Abedin Kuçi, nga Delvina;
7. Ilirjan Prifti, nga Fieri;
8. Elton Shehaj, nga Tirana;
9. Armand Spiro, nga Tirana;
10. Astrit Balliu, alias Avdyli, Sulejmani, me pseudonimin “Titi”, nga
Shijaku;
11. Altin Avdyli, me pseudonimin“Niçja”, nga Shijaku;
12. Saimir Gjepali, nga Shijaku;
13. Gjevi Ndoka, alias Xhevahir, me pseudonimin“Xhevi”, nga Lezha;
14. Esat Mehmeti, me pseudonimin“Çakja”, nga Fieri;
15. Saimir Sulejmani, nga Fieri;
16. Orges Jahelezi, alias Artan Elezi, me pseudonimin“Nita”, nga
Tirana;

17. Elis Bahushi, nga Elbasani;
18. Elis Guri, nga Shkodra.
19. Artur Balla, nga Elbasani.

Gjithashtu u shpallën në kërkim 2 shtetas: M.Z., dhe P.S.

Në kuadër të këtij mega operacioni, ku u goditën këto 4 grupe
kriminale, është zbuluar edhe implikimi i 3 punonjësve të Policisë së Shtetit. Ata akuzohen për veprat penale “Shpërdorim detyre”,
“Ndihmë për kalimin e paligjshëm të kufijve”, në kuadër të grupit të
strukturuar kriminal dhe organizatës kriminale:

1. Ardit Gjyriqi, nga Tirana;
2. Jasin Abdul, nga Saranda;
3. Bledar Koçi, nga Lushnja.

Ndërkohë në kuadër të këtij procedimi janë arrestuar më herët edhe 12 persona për vepra të ndryshme penale që lidhen me fushën e narkotikëve.

Gjatë kontrolleve të ushtruara u sekuestruan:

• 3 pistoleta;
•3 armë gjahu, çifte dhe fishekë;
• 1 shotgan;
• Presë për lëndë narkotike të llojit heroinë;
• Peshore elektronike;
• Sasi lëndë narkotike heroinë e kokainë;
• 13 mjete, njëri i blinduar;
• Sasi e konsiderueshme parash;
• Rreth 75 telefona celularë.