Vorë, përplasen tre makina, një i vdekur dhe dy të plagosur

Tre makina janë përplasur rreth orës 08:30 në dalje të Vorës, duke shkaktuar një aksident tragjik.

Si pasojë e përplasjes, ka humbur jetën shtetasi Flobert Ajazi, 35 vjeç, ndërsa dy pasagjerë në automjetin e tij kanë mbetur të plagosur.

Ndërkohë, dy pasagjerët e plagosur janë transportuar menjëherë në spital, ku ndodhen nën kujdesin e mjekëve.

Tiranë/Informacion paraprak

Rreth orës 08:30, në dalje të Vorës, janë përplasur automjetet me drejtues shtetasit B. G., F. H. dhe F. A.. Si pasojë, ka humbur jetën shtetasi F. A., 35 vjeç dhe janë dëmtuar 2 pasagjerë në automjetin që drejtonte ai. Të dëmtuarit janë transportuar në spital, ku janë në kujdesin e mjekëve.

Grupi hetimor po punon për sqarimin e rrethanave të aksidentit.