“Vota e fshehtë”/ Edi Rama nuk lejoi ti përsëritet “Dumani”, grupi “Gojores” dëshmoi se s’ekziston

Kryeministri Edi Rama nuk lejoi të përsërit dramën që i ndodhi në KLP me kreun e SPAK, dhe ndërsa po afrohej votimi i posteve me tre të pestat, ai e bëri të qartë se votimi do ti jetë i fshehtë. Të papërgatitur për këtë skenar, Grupi i “Gojores”, ndryshe nga “Foltorja” që braktisi fare këtë maskaradë, ishte bërë gati ti jap Kryeministrit një leksion votimi në sy të botës duke harruar se përballë ka njeriun që nuk përfill asnjë lloj marrëveshje. Dhe, me ndihmën e mungesës së përvojës politike, fitues i pistë sërish doli Edi Rama!

Dhe, jo vetëm kaq!

Deri sa në prag të zgjedhjeve të vitit 2021 Edi Rama bëri nul marrëveshjen për ndryshime në kodin zgjedhor ku garant ishte SHBA, ai sot në orët e para të ditës së sotme bëri nul edhe grupin opozitar që aq shumë i shërbeu, atë të “Gojores”!

Ky sekt i Lulzim Bashës, përkundër rrethanave që krijoi Edi Rama me forcën e kartonit, nuk pati guximin ti nënshtrohet votimit të fshehtë sepse “Gojorja” nuk kishte kurrë kompaktësi, dhe sot nuk e inskenonte dot as votimin “online” , siç bëri me Kryesinë dhe Këshillin Kombëtar, për të përjashtuar nga grupi parlamentar dhe partia, Sali Berishën dhe mbështetësit e tij, votime që Kryetarja e Parlamentit me urdhër të Kryeministrit i konsideron edhe sot të ligjshme!

Përballë këtij realiteti, të vetëdijshëm se në kuti ishte dhe emri i kampionit amerikan të antikorrupsionit, sigurimsit Ardian Dvorani, që do të arrinte 3/5 e votave dhe me votat e grupit “antikomunistë” që deri sot thanë se e drejtonin, dyshja drejtuese e Bashës, kafexhiu Gazment Bardhi me kryetarin që komandoj Enkelejd Alibeaj, kundërshtuan këtë lloj votimi duke u hedhur në sulm kundër Edi Ramës, i cili bëri dhe një befasi për një çështje që konsiderohej e mbyllur edhe zyrtarisht, Avokatin e Popullit: Ne nuk e votojmë avoaktin e PD, sillni një emër tjetër!

Të ndodhur përballë një situate ku vetëm një diktator si Edi Rama mund ta krijoi, dyshja pa përvojë Bardhi-Alibeaj që rezultoi se nuk i besojnë as deputetëve që bënë sikur i menaxhojnë, vendosin ta braktisin seancën dhe procesin e votimit të fshehtë, sipas tyre, për ti mos i dhënë mundësinë që Gjykatën Kushtetuese ta bëjë sesion të Partisë Socialiste!

Ky arsyetim sa absurd e bënë të paqartë dhe panikun e Bardhi-Alibeajt, kur që të tre kandidatët për anëtarë të Gjykatës Kushtetuese, Ardian Dvorani, Marjana Semini dhe Arta Vorpsi ishin përzgjedhur nga KED që kontrollohet jo nga Partia Socialiste, por, dora vetë Edi Rama; Me ndryshimin e vetëm se Ardian Dvorani ishte dhe i preferuari i ambsadores amerikane Yuri Kim!  

A mund ta tradhtonte Edi Rama marrëveshjen për Avokatin e Popullit, këtë vetëm naivët si Lulzim Basha, Gazment Bardhi dhe Enkelejd Alibeaj nuk e kanë menduar, por, meqë Kryeministri Edi Rama e bëri të qartë edhe para procesit pavarësisht se çfarë ishte llafosur në Komisionin e Ligjeve, maskarada u përmbyll ashtu siç e mendoi Rama në këtë vend, ku vota tashmë nuk ka kurrfarë vlere edhe në rastin kur i thuaj vetes “antikomunist”, si Basha, Bardhi e Alibeaj dhe ca antiberishist të verbër që po i zvarriten pas!

Kështu me cirkun “Vota e fshehtë”, Edi Rama arriti të konfirmoj socialistët ndër socialistë duke i dhënë fronin në Gjykatën Kushtetuese, Marjana Seminit, atë në Autoritetin e Dosjeve, Gentiana Sulës, ndërsa siç u shpreh për Avokatin e Popullit nuk kishte dhe ndonjë merak meqë vendi ka Avokatin e Popullit dhe qëndron në detyrë deri sa të zgjidhet i riu.

“Për emërimin e një anëtari të Gjykatës Kushtetuese”  

Ardian Dvorani 14 vota
Marjana Semini 58 vota
Arta Vorpsi 2 vota
3 vota të pavlefshme

“Për zgjedhjen e Kryetarit të Autoritetit për Informimin mbi Dokumentet e Ish-Sigurimit të shtetit” 

71 për Gentiana Sulën
5 kundër
1 abstenim 
1 bosh
1 fletë votimi në kutinë e gabuar

“Për zgjedhjen e Avokatit të Popullit”  

Ledio Braho 3 vota
Altin Goxhaj 70 vota kundër

Për ata që nuk e kuptuan pse u bë sherr që anëtari i Gjykatës Kushtetuese të bëhet një kampion i SHBA për antikorrupsion si Ardian Dvorani, kur një NON GRATA i shpallur nga SHBA si Sali Berisha, u përjashtua nga partia edhe pse ishte lideri historik i saj, përgjigjen nuk mund ta gjejnë në fjalët e rënda që nxori nga goja dyshja Bardhi-Alibeaj në këtë seancë 26 orëshe, por ajo që prodhuan për një vit si “anikomunistë” dhe sot e kanë të qartë se grupi që drejtojnë mund ti tradhëtoj me votën e fshehtë, meqë është fjala për një ish-hetues të Sigurimit të Shtetit.

Kush e thotë të vërtetën në këtë mes?! Interlekutor në mes të këtyre dy palëve kriminale nuk është dhe nuk ishte Samir Mane as në rastin e këtij anëtari të Gjykatës Kushtetuese përderisa Kunati i Lulzim Bashës vazhdon të jetë gjallë. Skemat mafioze që aplikuan këto dy grupe parlamentare për largimin dhe “ngrirjen” e Sali Berishës dhe “Foltores” deri edhe në Gjykatën e Apelit, si dhe rolin e Pëllumb Salillarit, Gazment Bardhi nuk duhet ti kërkoj vetëm tek rasti i Ardian Dvoranit, por nga 17 Maji i vitit 2017, taksa në Rrugën e Kombit, Stadiumi, Unaza e Re etj. për të kuptuar se Edi Rama është po aq pis sa ai të cilit i shërben kafe.

Për të qenë korrekt me ata që nuk e kanë parë seancën plenare sepse ishin të bindur se Edi Rama nuk do ti fus duart në Festivalin e RTSH edhe pse aty kandidonte socialistja e thekur që mori pjesë në grevën e urisë, Elsa Lila, po japim një pjesë të aktrimit që mediat në shërbim të Kryeministrit e cilësuan “debat inxehtë”:

Bardhi: Nuk kemi asnjë shqetësim çfarë bëni ju me kandidaturën tonë me Avokatin e Popullit. As kemi lypur gjë, as po iu kërkojmë gjë. Sipas një traditë të PD, sollët një emër dhe ua votoj. Kjo traditë u vazhdua edhe në 2017. U votua me 84 vota, edhe në këtë rast ka zotim publik nga ana juaj se do të votoni kandidatin tonë. Ka pasur një proces konsultimi të kandidaturave. Grupi juaj ka përjashtuar 6/11 kandidatët që kemi propozuar. është e drejtë e PD që të sillte emër. Nuk ndahen kandidatët në të PD dhe PS. Kandidatura që kemi sjellë nuk ka qenë në listën e të përjashtuarve. Megjithatë është e drejta juaj. Nuk iu imponojmë kandidatë dhe nuk u ankua askush. U ankuam për tentativën që të ktheni GJK në degën tuaj. Po ta përsëris, ndoshta e kanë bërë pa dijeninë tënde, por drejtuesit më të lartë të PS jo vetëm që kanë kërkuar votë për Dvoranin. Kanë angazhuar oligarkë dhe mafiozë. Zamir Manen psh. Salillarin. Ja po ta jap shembullin. Mos u nevrikos.

Rama: Më jep shembull ku person është influencuar nga filani.

Bardhi: Cilët janë mafiozë? I le oligarkët, po fokusohesh tek mafiozët. Jep llogari pse ke angazhuar oligarkët.

Rama: Më jep emër

Bardhi: Ja të çohet ky personi

Rama: Je një çetë shpifësish, i kam çuar unë se e ke bindjen ti. Për ta kthyer GJK në seksion të PS.

Felaj: Boll tani

Bardhi: Ti i ke çuar

Rama: Palaço

Bardhi: Palaço je ti

Felaj: Mos e kërkoni rregulloren, por vetëpërmbahuni. Mos flisni nga vendi. Ju lutem, keni arritur në pikën që do iu hiqet e drejta e fjalës.

Rama: Cilën qetësi? Cilën qetësi humba? Kollaj është t’i thuash tjetrit mafioz. Nxirre një provë. Për kë emër të përgjigjem. Për cilën emër të të përgjigjem o palaço. Je një legen dhe mafioz. Je në gjendje që t’ja kthesh fytyrën dhe zërin një cirku. Nuk ke turp nuk ke. Ç’qetësi të ruaj? S’jam si ti që të ruaj qetësinë kur më thonë gjëra të pavërteta. Ik ore palaço. Je një palaço cirku. Ik more.

Bardhi flet pa mikrofon dhe nuk dëgjohet

Rama: Ik more…pis! Ça ke ti? Ça ke?!

Felaj: Kolegë rifillojmë seancën

Rama: Palaço. Ik andej. Ik ore zagar…

Felaj: Zonja Vokshi mos ndërhyni.

Bardhi: Mafioz je, o mafioz. Mafioz je.

Rama: Palaço. Jeni dhe.. Po ti ça ke? Më duhet t’ja shpjegoj fëmijëve të mi kuptimin. Ai është palaço, prandaj them. Palaço. Ik ore…