“Vota është keqlexuar”, patronazhistët e Edi Ramës vjedhin edhe brenda llojit

Deri sa mediat në shërbim të Edi Ramës vazhdojnë ti kërkojnë dorëheqjen Kryetarit të Partisë Demokratike, Sali Berisha, sepse humbi zgjedhjet, përveçse kandidatëve demokratë nga kandidatët komunistë të partisë në pushtet vijnë ankesa se votat u janë vjedhur, dhe kjo vjedhje e madhe rezultoi aty ku ishte dyshimi më i madh, numërimi!

Dhe, Edi Rama ndërsa nuk e çau kokën pse Ilir Alimehmeti dhe Aulon Kalaja kërkojnë pamjet filmike për të konfirmuar numërimin e votave, ai u tronditë kur kjo kërkesë u bë nga kandidatët e partisë së tij, Blerina Gjylameti, Etilda Gjonaj, Frrok Gjini dhe Xhemal Qefalia, ndonëse ishte dora e njejtë që kreu këtë vjedhje ose siç po quhet zyrtarisht, keqlexim!

 “Kam marrë njoftim me trishtim për disa iniciativa individuale, për të kërkuar filmime, rinumërime e ku di unë çfarë tjetër për votën preferenciale!

Natyrisht që nuk mund të ndaloj askënd të veprojë me kokën e vet, por duke qenë se këtu në këtë dritare jemi ende një skuadër dhe unë dua që kështu të mbetemi do të këshilloja që të mos i hyhet asaj rruge.

Sepse së pari humbja e një gare s’duhet të bëhet shkak për të humbur edhe fytyrën, kur në fakt nuk ka asnjë shans zero, që me gjithë ata sy mbi ekrane të ketë devijime vote në përmasa që do ta mbushnin hendekun e kujtdoqoftë me ata që kanë dalë fitues jo me 10 a 20, por me shumë më tepër vota diferencë nga pasuesit në klasifikim.

Së dyti, kjo do të thotë të hidhet hije mbi njerëzit tanë, që kanë qëndruar pafundësisht nëpër tryeza numërimi, e që nuk e meritojnë kurrkund një hije të tillë dyshimi për kontributin e tyre të madh,” thotë Edi Rama tashmë i shqetësuar se pas 22 vjetësh të manipulimit elektoral, denoncohet nga të vetët ashtu si Spartak Ngjela në vitin 2003 kur e paditi në gjyq dhe e konfirmoi se Rama i vodhi zgjedhjet ndërsa përfundon vetëm me shqetësim mediatik:

“Së fundi, përfytyrojeni vetë se sa keq do të ndjehet kushdo që do t’i hyjë kësaj rruge, duke ushqyer qenerinë mediatike, kur në fund mali i mbarsur mund të mos pjellë as një mi.”

Keqleximi!

Humbja e mandatit të Dr.Ilir Alimehmetit në rastin më të mirë quhet “keqlexim”, por, duke pasur parasysh të kaluarën e tij dhe rivales Jorida Tabaku, ku 8 Janari bëri një ndarje të qartë që nuk do të harrohet kurrë nga demokratët, nuk mundet një ushqyese e demokratëve me gazlotsjellës, shkop bejzbolli dhe dajak policie komuniste të jetë më e dashur se Dr.Alimehmeti i cili u pozicionua me Rithemelimin e PD dhe Sali Berishën, që më vonë rezultoi se ishte dhe shumica; Ose, Jorida edhe mund të jetë më e dashur nëse duart i fut Edi Rama!

E njejta gjë duhet thënë për Aulon Kalanë! Ndone diferenca është 1.033 vota dhe ata që janë marrë me procese zgjedhore e kanë të qartë se janë shumë, gjithashtu ata që janë marrë me këtë lloj procesi mund të konstatojnë shumë pak arsye që një demokrat kur i afrohet kutisë së votimit mund të vendos të votoi për prokurorin Arian Ndoja i cili u bë i njohur vetëm pas atentatit të famshëm ndërsa përballë ka të kudondodhurin ndër demokratë Aulon Kalaja!

Që ka keqlexim nuk flasin vetëm këto dy raste por finalizimi i numërimit të votave në Tiranë dëshmoi se vetëm keqlexim nuk mund të quhet!

Kur ndodhi rrahja në KZAZ 30 ndërsa po numëroheshin votat, askush nuk kishte dyshim se Xhemal Qefalia do të humb garën që deri në ato momente mendonte se e ka në xhep! Ornaldo Rakipi për shumë pak minuta pas incidentit doli në epërsi, të cilën e mbajti deri në fund edhe me numërimin e votave të diasporës duke dal fitues me 474 vota epërsi!

Ndër kamikazet e Edi Ramës beteja ishte edhe më e egër edhe pse nuk kishte rrahje me grushta! Epërsia e Blerina Gjylametit me 21 vota ndaj Olta Xhaçka me numërimin e vitave të vendit nga të gjithë u përkthy si humbje ndaj përveç se investitores strategjike edhe bashkëshorte e mikut të Edi Ramës; Gjithsesi, numërimi u çua deri në fund, dhe ashtu siç u parashikua, strategjikja Xhaçka doli fituese me epërsi 140 vota!

A ka vend për ankesë të Etilda Gjonajt në këtë mes! Patjetër që, PO! Pavarësisht se Gjylameti i takon grupit të ithtarëve të të burgosurit Erion Veliaj dhe Olta Xhaçka komunistëve që ende janë pa pranga ndonëse të akuzuar nga SPAK, Gjonaj ndonëse ngeli mbrapa fitueses Xhaçka me 719 vota, në një numërim të kulluar edhe mund të rezultoj fituese!

Pra, humbja e një gare ndër socialistë kur patronazhistët numërojnë votat s’duhet të bëhet shkak për të humbur edhe fytyrën e Partisë Socialiste, siç thotë kryetari i saj Edi Rama, por, jo se shanset janë zero siç është i bindur kryesocialisti!

Në fund, nëse ky “keqlexim” rezulton i vërtetë siç mendon Ilir Alimehmeti dhe Aulon Kalaja, përveç Edi Ramës që përfytyron se sa keq do të ndjehet kur ushqehet qeneria mediatike pasi në fund mali i mbarsur edhe mund të pjellë mi, si do të ndjehen ata që shkelën mbi dinjitetin dhe therorësinë për Rithemelimin e PD të Dr.Alimehmetit dhe Aulonit!

Keqlexim të mbarë!