Votat e Diasporës, Celibashi: KQZ ka marrë 365.166 kërkesa dhe ka refuzuar 119. 139!

Sot kreu i KQZ , Ilirian Celibashi, ka bërë publike të dhënat lidhur me emigrantët shqiptarë të diasporës që kanë aplikuar dhe janë regjistruar në sistemin PER për të votuar nga vendet ku ata jetojnë dhe punojnë në zgjedhjet parlamentare të 11 Majit.

Interesin për tu regjistruar si votues nga jashtë e kanë shprehur 294.155 votues, prej tyre 245 975 janë regjistruar, tha Celibashi, ndërkohë si kërkesa KQZ ka marrë 365.166 kërkesa dhe ka refuzuar 119.139.

“Përfundimisht janë 294.155 zgjedhës që kanë shprehur interesin për tu regjistruar si votues nga jashtë, prej tyre 245.975 janë regjistruar, pra aplikimin e tyre ka qenë i suksesshëm.

Ndërkohë nga ana tjetër si kërkesa KQZ ka marrë 365.166 kërkesa dhe ka refuzuar 119.139. Dita me numrin më të lartë të kërkesave ishte 2 Marsi,” tha kreu i KQZ duke publikuar dhe dy të dhëna interesante:

“Aplikimi i parë është bërë nga një shtetas nga Gjermani e ka bërë aplikimin në 11 janar në orën 00:08.

Shtetasi me moshën më të madhe është një shtetas nga Gjermani dhe ky 98 vjeç, i datëlindjes 1927 dhe nëse nuk gaboj ia ka dalë herën e parë që të regjistrohet. Është një shtetas që ka aplikuar 25 herë në platformë.

Me këtë rast kreu i Komisionit Qendror të Zgjedhjeve, Ilirian Celibashi, bëri të ditur se në KQZ janë regjistruar 53 parti dhe se koalicionet e regjistruara janë 3, dhe “Lëvizja Bashkë” është e vetmja parti që ka dorëzuar listën e kandidatëve për deputetë.

Ndryshe shqyrtimi i aplikimeve të shqiptarëve që  jetojnë jashtë nisi në 11 janar dhe përfundoi në 4 mars.

Ndërsa afati për dorëzimin e listave të kandidatëve përfundon më 12 mars.