Votat e Tiranës, Durrësit, Fierit dhe Elbasanit, kreu i KQZ: Nesër nis rinumërimi i 2323 kutive

Procesi i rinumërimit të votave të zgjedhjeve të 11 Majit 2025 të 2.323 qendrave të votimit nis nesër, ka bërë të ditur kreu i Komisionit Qendror të Zgjedhjeve, Ilirian Celibashi, pas Vendimit të Komisionit të Ankimimeve dhe Sanksioneve, KAS, dhe përgatitjeve të domosdoshme nga KQZ, duke saktësuar se bëhet fjalë për votat nga qarqet Tiranë, Durrë, Elbasan dhe Fier.

“Në total, do të hapen 2.323 qendra votimi, përfshirë edhe 85 kutitë e votimit nga jashtë vendit. Procesi zhvillohet nga 24 grupe numërimi, me 63 punonjës të administratës (48 numërues + 15 zëvendësues).

Rinumërimi realizohet në 24 tavolina, ku janë të pranishëm vëzhgues të autorizuar nga 3 subjektet ankimuese: Koalicioni PD-ASHM, PS dhe Partia Mundësia,” u shpreh Ilirian Celibashi përmes një njoftimi në rrjetin social Facebook duke e konsideruar këtë rinumërim si një dëshmi e përkushtimit të KQZ-së për zgjedhje transparente, të besueshme dhe gjithëpërfshirëse.

Njoftim:

Procesi i RINUMËRIMIT nis nesër në datë 17 Qershor 2025

Vendimi i Komisionit të Ankimimeve dhe Sanksioneve (KAS) ka vënë në lëvizje KQZ dhe një nga operacionet më të rëndësishme zgjedhore pas votimit: rinumërimin e kutive të votimit. Ky proces garantohet nga profesionalizmi i administratës së KQZ-së dhe transparenca ndaj publikut duke transmetuar direkt online çdo veprim të kryer!

Çfarë përfshin rinumërimi?

– Në total, do të hapen 2.323 qendra votimi, përfshirë edhe 85 kutitë e votimit nga jashtë vendit.

– Procesi zhvillohet nga 24 grupe numërimi, me 63 punonjës të administratës (48 numërues + 15 zëvendësues).

– Rinumërimi realizohet në 24 tavolina, ku janë të pranishëm vëzhgues të autorizuar nga 3 subjektet ankimuese: Koalicioni PD-ASHM, PS dhe Partia Mundësia.

Ku po zhvillohet rinumërimi? I gjithë procesi realizohet në Pallatin e Sportit Farie Hoti në Tiranë dhe transmetohet live në rrjetet sociale të KQZ

Për cilat qarqe zhvillohet rinumërimi?

QARKU TIRANË

– Të gjitha kutitë e votimit brenda vendit

– 18 KZAZ

– 1.282 qendra votimi

QARKU FIER

– Të gjitha kutitë për subjektet dhe kandidatët

– 9 KZAZ

– 587 qendra votimi

QARKU DURRËS

– Rinumërim i plotë për:

– 111 QV të KZAZ nr. 21 dhe 22

– 126 QV të listuara nga PD-ASHM

– 60 QV të kërkuara nga PLL

Përfshirë edhe 85 kuti nga votimi jashtë vendit

Në total: 360 kuti për rinumërim (275 brenda vendit + 85 jashtë)

QARKU ELBASAN

– 94 QV të KZAZ nr. 45 dhe 52 (fletë votimi dhe materiale zgjedhore)

– Transparencë edhe për buxhetin:

• 7.858.600 lekë për sistemin e regjistrimit dhe transmetimit online të rezultateve

• 8.480.000 lekë për infrastrukturën logjistike

• 4.775.450 lekë për zarfe dhe materiale ndihmëse

Procesi i rinumërimit është një tjetër dëshmi e përkushtimit të KQZ-së për zgjedhje transparente, të besueshme dhe gjithëpërfshirëse.