Votimi dhe Numërimi elektronik më 11 Maj, KQZ ka tre propozime

Komisionit Rregullator pranë Komisionit Qendror të Zgjedhjeve, KQZ, ka propozuar përdorimin e pajisjeve elektronike të votimit dhe numërimit, PEVN, për zgjedhjet e 11Maj 2025 me tre skenarë për zbatimin e tyre.

Sipas skenarit të parë, KQZ propozon zbatimin në Njësinë Administrative Nr.1, Nr.3, Nr.5, Nr.8, Nr.9, Nr.10 të Bashkisë Tiranë, si dhe në njësitë Administative, Bërxull, Prezë dhe Vorë të Bashkisë Vorë.

Në skenarin e dytë, propozohet që votimi dhe numërimi elektronik të zbatohet në Njësinë Administrative Nr.2, Nr.3, Nr.5, Nr.9, Nr.10 të Bashkisë Tiranë, si dhe në njësitë administative, Bërxull, Prezë dhe Vorë të Bashkisë Vorë.

Dhe, sipas skenarit të tretë, KQZ propozon që votimit dhe numërimi elektronik të zbatohet në Njësinë Administrative nr.5 dhe Nr.10 të Bashkisë Tiranë, në njësitë administative Bërxull, Prezë dhe Vorë të Bashkisë Vorë, si dhe në Rajonet 1, 2, 3, 4, 5 të Bashkisë Durrës.

Këto tre skenarë i janë dërguar zyrtarisht partive politike për konsutime.

Ndryshe, votimi dhe numërimi elektronik u zhvillua për herë të parë në zgjedhjet e vitit 2021, në njësinë 10 në Bashkinë Tiranë, ndërsa që në zgjedhjet lokale të vitit 2023 në bashkitë Elbasan, Kamëz dhe Vorë.

Bazuar në këto eksperienca, Komisioni Rregullator pranë KQZ thekson se në të gjitha rastet është konfirmuar saktësia 100% e procesit të votimit dhe numërimit elektronik.