Votimi i Rezolutës për Ukrainën në OKB, Vuçiç i kërkon falje qytetarëve, Edi Rama hesht!

Pas votimit të rezolutës evropiane për Ukrainën, Presidenti i Serbisë, Aleksandar Vuçiç, ka reaguar me një aktrim të dobët jo pse kjo rezolutë bie ndesh me atë amerikane, por shteti serb nuk ishte rreshtuar në krah të Rusisë që kundërshtonte rezolutën evropiane.

“Unë mendoj se Serbia ka gabuar. I kërkoj falje qytetarëve të Serbisë dhe marr përgjegjësinë, ndoshta pse jam i lodhur dhe i ngarkuar dhe nuk kam mundi të arrijë të gjitha,” tha Vuçiç për TV Happy duke dhënë detaje dhe për sqarimin që kishte marrë pas votimit.

“Votuam për rezolutën evropian. Sa i përket rezolutës amerikane, votuam ashtu siç duhet, abstenuam. Duhej, sipas mendimit tim, të abstenojmë edhe për rezolutën evropiane. Edhe pse siç e shikoni, po flas tani që është e qartë se do të humabs mbështetjen në BE,” tha Vuçiç duke i treguar qytetarëve se është me Rusinë edhe pse votoi kundër saj.

Ndërkohë, përkundër këtij teatraliteti të dobët të “vëllait” Vuçiç, që nuk e besoi njeri, Kryeministri Edi Rama vazhdon të jetë stoik për qëndrimin kundër rezolutës amerikane për Ukrainën ndonëse ishte e qartë se pavarësisht se si voton Shqipëria ose vendet e BE në Asamblenë e Përgjithshme ajo do të kaloi në Këshillin e Sigurimin të OKB! Kështu dhe ndodhi!